May 2, 2024

აკაკი წერეთლის სახელმწიფო უნივერსიტეტი 90 წლის იუბილეს აღნიშნავს

ქუთაისში აკაკი წერეთლის სახელმწიფო უნივერსიტეტი 90 წლის იუბილეს აღნიშნავს.

საიუბილეო თარიღთან დაკავშირებით გაიმართა სტუმართა ოფიციალური მიღება, სტუდენტთა და თანამშრომელთა ნამუშევრების გამოფენა, მოეწყო საზეიმო მსვლელობა უნივერსიტეტიდან დავით აღმაშენებლის ცენტრალურ მოედნამდე. ამის შემდეგ ღონისძიებების დასკვნით ნაწილს ქუთაისის ლადო მესხიშვილის სახელობის პროფესიული სახელმწიფო დრამატული თეატრში საქართველოს განათლებისა და მეცნიერების მინისტრი გიორგი ამილახვარი, იმერეთის სახელმწიფო რწმუნებული ზვიად შალამბერიძე, ქუთაისის ადგილობრივი თვითმმართველობის, ქართული და უცხოური პარტნიორი უნივერსიტეტების, ორგანიზაციების წარმომადგენლები და სხვა მოწვეული სტუმრები დაესწრნენ.

 

როგორც განათლების მინისტრმა, გიორგი ამილახვარმა განაცხადა, აკაკი წერეთლის უნივერსიტეტი მრავალპროფილურია და გამორჩეულია არა მხოლოდ საქართველოში, არამედ კავკასიაში.

 

აკაკი წერეთლის უნივერსიტეტი არის გამორჩეული საგანმანათლებლო კერა როგორც დასავლეთ საქართველოში, ასევე მთელ ქვეყანაში. მას აქვს უაღრესად დიდი როლი და წვლილი იმ საგანმანათლებლო განათლების ისტორიაში, რომელიც საქართველოში შეიქმნა. იმ ღირებულებებში, ფასეულობებში, რომელიც ქუთაისში, დასავლეთ საქართველოში და მთელ ქვეყანაში იქმნება, განსაკუთრებული როლი აქვს ამ უნივერსიტეტს. ეს არის მეოთხე უნივერსიტეტი, რომელსაც საუკუნოვანი ისტორია აქვს და კიდევ ერთხელ მიუთითებს იმ ღრმა ტრადიციებზე, ისტორიაზე, რომელიც საქართველოში განათლების კუთხით გვაქვს. დღეს აკაკი წერეთლის უნივერსიტეტი არის მრავალპროფილური უნივერსიტეტი, რომელიც გამორჩეულია არა მხოლოდ საქართველოში, არამედ კავკასიაში. ბუნებრივია, მნიშვნელოვანია, რომ ტრადიციები, ისტორია, რომელიც ამ უნივერსიტეტმა შემოინახა, უფრო გავაძლიეროთ, რათა უნივერსიტეტი უფრო დიდი კვლევითი ინსტიტუცია გახდეს“, – განაცხადა გიორგი ამილახვარმა.

 

აკაკი წერეთლის სახელმწიფო უნივერსიტეტში 44 საბაკალავრო, 34 სამაგისტრო, შვიდი სადოქტორო და სხვადასხვა საფეხურის 15 საგანმანათლებლო პროგრამაზე 9 000-მდე სტუდენტი სწავლობს, მათ შორის, 800-მდე უცხოელია. უნივერსიტეტს საერთაშორისო მემორანდუმები აქვს გაფორმებული ამერიკის შეერთებული შტატების, ევროპისა და აზიის წამყვან უმაღლეს სასწავლებლებთან. აქტიურად თანამშრომლობს საქართველოში აკრედიტებულ აშშ-ის, დიდი ბრიტანეთის, გერმანიის, საფრანგეთის, ირანის, თურქეთის, ისრაელის, საბერძნეთის, სომხეთის, აზერბაიჯანის, უკრაინისა და ლატვიის საელჩოებთან. მჭიდრო ურთიერთობები აქვს საერთაშორისო ორგანიზაციებთან.

წაკითხვა 277 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.