"შეზღუდვების მიუხედავად, ქუთაისი საინტერესო ტურისტულ მიმართულებად რჩება"- ზვიად შალამბერიძე
იმერეთში სახელმწიფო რწმუნებულის ზვიად შალამბერიძის შეფასებით, 6-თვიანი იძულებითი პაუზის შემდეგ, ქუთაისის საერთაშორისო აეროპორტში რეგულარული ავიარეისების განახლება, მნიშვნელოვანია.
"ექვსთვიანი პაუზის შემდეგ დღეს ქუთაისის აეროპორტმა რეგულარული ავიარეისების მიღება განაახლა - დავით აღმაშენებლის ქუთაისის საერთაშორისო აეროპორტში ლატვიის დედაქალაქიდან 108 მგზავრი ჩამოფრინდა, მათგან 96 საერთაშორისო ვიზიტორია, რაც პანდემიის პირობებში ეკონომიკური მდგომარეობას გასაუმჯობესებლად მნიშვნელოვანი ნაბიჯია.
რეკომენდაციების სრული დაცვით საწყის ეტაპზე რეგულარული რეისები კვირაში ერთხელ განხორციელდება, მაგრამ მთავრობა მაქსიმუმს აკეთებს იმისთვის, რომ საჰაერო სივრცე ეტაპობრივად გაიხსნას ისე, რომ მოქალაქეების ჯანმრთელობა იყოს დაცული.
ჩვენ კორონავირუსის პანდემიამდე ვიღებდით უამრავ ვიზიტორს და შეზღუდვების მიუხედავად, ქუთაისი საინტერესო ტურისტულ მიმართულებად რჩება. ჩვენ მზად ვართ, ყველაფერი გავაკეთოთ როგორც ადგილობრივების, ასევე ჩვენი სტუმრების უსაფრთხოებისთვის", - აცხადებს ზვიად შალამბერიძე.
ქუთაისის საერთაშორისო აეროპორტში დღეს რიგა-ქუთაისი-რიგას მიმართულებით პირველი რეგულარული ავიარეისი შესრულდა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი
