"პედაგოგები ქმნით იმ საფუძველს, რაზეც შემდეგ წარმატებული და საამაყო ადამიანები იზრდებიან"- ზვიად შალამბერიძე
იმერეთში სახელმწიფო რწმუნებული ზვიად შალამბერიძე მასწავლებლებს პროფესიულ დღეს ულოცავს.
"ყველა პედაგოგს, განსაკუთრებით კი იმერეთის მასშტაბით მცხოვრებ მასწავლებლებს, ვულოცავ პროფესიულ დღეს. თქვენ ემსახურებით ძალიან საპასუხისმგებლო და ღირსეულ საქმეს, რასაც მომავალი თაობის კარგად აღზრდა ქვია, ძალისხმევას არ იშურებთ, რომ თითოეულ მათგანს გადასცეთ ცოდნა და პიროვნული ღირებულებები სწორად დაანახოთ. თქვენ ქმნით საფუძველს, რაზეც შემდეგ წარმატებული და საამაყო ადამიანები იზრდებიან და ყალიბდებიან. პედაგოგის საქმიანობა ისედაც რთულია და პანდემიამ ეს კიდევ უფრო გაართულა, რადგან შექმნილი ვითარებიდან გამომდინარე საჭირო გახდა დისტანციურ სწავლებაზე გადასვლა, თუმცა თქვენ ამ გამოწვევასაც წარმატებით გაართვით თავი და შეუფერხებლად აგრძელებთ საქმეს. გილოცავთ კიდევ ერთხელ, წარმატებებს და თქვენი გაწეული შრომის კიდევ უფრო მეტად დაფასებას გისურვებთ, როგორც თქვენივე აღზრდილებისგან, ასევე სახელმწიფოსა და საზოგადოებისგან, რადგან თქვენი ღვაწლი იმსახურებს ამას", - აღნიშნულია ზვიად შალამბერიძის მილოცვაში.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი