"თუ სინოდის სხდომა დაემსგავსება პილატეს სასამართლოს, ყველაფერი შესაძლებელია"
თუ წმინდა სინოდის სხდომა გადაიქცევა და მიემსგავსება პილატეს სასამართლოს, ყველაფერი შესაძლებელია, - ასე უპასუხა ჭყონდიდელმა მიტროპოლიტმა მეუფე პეტრე ცაავამ, წმინდა სინოდის სხდომის დაწყებამდე ჟურნალისტების შეკითხვას, რომელიც მისდამი შესაძლო სასჯელის დაწესებას შეეხებოდა.
მისივე თქმით, მისთვის არაფერი არ შეცვლილა.
„ჭეშმარიტება არის მარადიული. მირჩევნია სიმართლისთვის დავისაჯო, ვიდრე ტყუილისთვის გავმართლდე. ღმერთი არის სიმართლეში და ბოლო სიტყვას იტყვის უფალი. რაც შეეხება ჩემთან დამოკიდებულებას, სასჯელს, თუ დღევანდელი დღე და წმინდა სინოდის სხდომა გადაიქცევა და დაემსგავსება პილატეს სასამართლოს, ყველაფერი შესაძლებელია,“ - განაცხადა მეუფე პეტრემ.
მისივე თქმით, უნდა შეიქმნას საეკლესიო სასამართლო.
„საეკლესიო სასამართლო უნდა შეიქნას და ყველა ადამიანის, პიროვნების, ჩემი თუ დაბალი იერარქის საკითხი უნდა გადაწყდეს კანონიკური სამართლით,“ - აღნიშნა ჭყონდიდელმა მიტროპოლიტმა.
სიახლეები
- "საქართველო გზაგასაყარზეა - ის ევროპისკენ გზაზე უნდა დარჩეს" - ურსულა ფონ დერ ლაიენი
- "გულანთებულ ახალგაზრდებს მივმართავ, რომ რაღაცები არ არის საჭირო, დაანებეთ თავი პარლამენტის კარს, იქ არაფერი აღარ ხდება"
- "ვინც ამბობს, რომ ეს კანონი რუსულია, არა მარტო იტყუება, არამედ ცრუპენტელობს" - პრემიერი
- "დროა, პოლიტიკური კრიზისიდან მშვიდობიანი გამოსავლის საძიებლად, ურთიერთობებმა გადაინაცვლოს ქუჩიდან მოლაპარაკების მაგიდასთან"- საპატრიარქო
- "დღეს ქვეყანა გადასარჩენია" - თბილისში დაგეგმილ აქციას ქუთაისიდანაც შეუერთდნენ