ქუთაისის მერი ცნობილ იმპრესარიოს ორლინ ანასტასოვს შეხვდა
ქუთაისის მერი იოსებ ხახალეიშვილი, ქუთაისში სტუმრად ჩამოსულ იმპრესარიოს ორლინ ანასტასოვს შეხვდა.
შეხვედრას ქუთაისის საოპერო თეატრის მთავარი დირიჟორი რევაზ ჯავახიშვილი და ოპერის თეატრის სამხატვრო ხელმძღვანელი ირინე ლომინაძე დაესწრნენ.
ცნობილი იმპრესარიო ქუთაისში საქართველოს კულტურის სამინისტროს თხოვნით ჩამოვიდა. ის ქუთაისის საოპერო თეატრში ორ სპექტაკლს- ფალიაშვილის „აბესალომ და ეთერის“ და მასკანის „სოფლის ღირსებას“ დაესწრება.
"ცნობილი საოპერო რეჟისორისა და იმპრესარიოს სტუმრობა ქუთაისში დიდი პატივია. იწყება ჩვენი ოპერის თეატრის განვითარების ახალი ეტაპი. ქუთაისის მერია კი, როგორ აქამდე, მზად არის მომავალშიც გვერდით დაუდგეს ყველა სასიკეთო საქმეში ჩვენს სახელოვან საოპერო თეატრს“- განაცხადა იოსებ ხახალეიშვილმა.
კულტურის მინისტრის თეა წულუკიანის ინიციატივით, ქუთაისის ოპერის თეატრის აღორძინების პროექტი შეიქმნა, რომელსაც, კულტურის მინისტრის გადაწყვეტილებით, თეატრის სამხატვრო ხელმძღვანელი ირინა ლომინაძე ჩაუდგება სათავეში.
პროექტის საჭიროება კულტურის მინისტრის ქუთაისის ოპერის თეატრში მიმდინარე წლის 15 აპრილს განხორციელებული ვიზიტისას გამოიკვეთა, რის შემდეგაც დაიწყო აქტიური მუშაობა არაერთი მიმართულებით.
პროექტი გულისხმობს როგორც თეატრის შენობის სრულ განახლებასა და თანამედროვე აპარატურით აღჭურვას, ასევე, შესაბამისი ინვესტიციის განხორციელებას, თეატრის ადამიანური რესურსით გაძლიერების მიზნით, მაღალი საშემსრულებლო და შემოქმედებითი დონის უზრუნველყოფასა და ქუთაისის საოპერო თეატრის მსოფლიოს წარმატებული თეატრების რიგში ჩაყენებას.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი