როგორი ამინდია მოსალოდნელი საქართველოში
ხვალ დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია მცირე ნალექი, - ამის შესახებ „ინტერპრესნიუსს“ გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა.
„22 იანვარს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია მცირე ნალექი, აღმოსავლეთ საქართველოს მთიან და მაღალმთიან რაიონებში თოვლის სახით. დასავლეთ საქართველოში 23 იანვრიდან 26 იანვრის ჩათვლით უმეტესად უნალექო ამინდია მოსალოდნელი. ჰაერის ტემპერატურა დღისით იქნება 8-13 გრადუსი სითბო, ღამით 1-6 გრადუსი.
აღმოსავლეთ საქართველოში 23-24 იანვარს უმეტესად უნალექო ამინდი იქნება, ხოლო 25-26 იანვარს შესაძლებელია მცირე ნალექი, ზოგან -ნისლიც, ჰაერის ტემპერატურა იქნება ღამით -5; 0 გრადუსი, დღისით 4-9 გრადუსი სითბო“, - განაცხადა გვაზავამ.
რაც შეეხება დედაქალაქს, თბილისში 22-23 იანვარს უნალექო ამინდია მოსალოდნელი. 24-25 იანვარს უმეტესად უნალექო, ჰაერის ტემპერატურა იქნება დღისით 7-9 გრადუსი სითბო, ღამით -1 +1.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი