"ყველა ვუყურებთ იმას, თუ როგორ კლავენ ადამიანს"- გიული ალასანია
ფაქტობრივად ყველა ვუყურებთ იმას, თუ როგორ კლავენ ადამიანს, - ამის შესახებ მესამე პრეზიდენტის, მიხეილ სააკაშვილის დედამ, გიული ალასანიამ თბილისის საქალაქო სასამართლოში განაცხადა, სადაც სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით პროცესი მიმდინარეობს.
ალასანიას თქმით, მიხეილ სააკაშვილს გუშინ ისევ წაუვიდა გული და „ერთ დღეში ისევ 1 კილოგრამი დაკარგა".
„ძალიან ცუდად არის, ძალიან. ეს ყველაფერი იწელება და ერთი სხდომა, ფაქტობრივად, ერთი ადამიანის დაკითხვას უნდება - ერთი 100 კაცი კიდევ ჰყავთ დასაკითხი და ყოველდღე სხდომებია. ეს რას ნიშნავს? ესე იგი უნდათ, რომ მოკლან, მე მეტი დასკვნა არ მაქვს”, - განაცხადა გიული ალასანიამ.
ცნობისთვის, საქართველოს ყოფილი პრეზიდენტისთვის სასჯელის გადავადების, ან სასჯელისგან გათავისუფლებასთან დაკავშირებით სასამართლოს შუამდგომლობით სააკაშვილის ადვოკატებმა მიმართეს. აღნიშნულ შუამდგომლობას მოსამართლე გიორგი არევაძე განიხილავს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი
