თბილისში ყოველი მეორე ქალი საზოგადოებრივი თავშეყრის ადგილებში თავს დაუცველად გრძნობს - NDI
NDI-ის კვლევის თანახმად, თბილისში ყოველი მეორე ქალი საზოგადოებრივი თავშეყრის ადგილებში თავს დაუცველად გრძნობს.
კვლევის თანახმად, ქალების 46 პროცენტი არ ეთანხმება მოსაზრებას, რომ საზოგადოებრივი თავშეყრის ადგილებში თავს დაცულად გრძნობს, მაშინ, როცა იგივე პოზიციას კაცების 24 პროცენტი იზიარებს.
კითხვაზე, რამდენად ეთანხმებით, ან არ ეთანხმებით მოსაზრებას; საზოგადოებრივი თავშეყრის ადგილებში თავს ზოგადად დაცულად ვგრძნობ, ქალების 53 პროცენტი ეთანხმება, 46 %- არ ეთანხმება, 1 პროცენტმა არ იცის.
მაშინ, როცა თანხმობას იგივე კითხვაზე კაცების 71 პროცენტი აცხადებს, 24 პროცენტი კი არ ეთანხმება.
კვლევის თანახმად, მოსახლეობის მეოთხედი საზოგადოებრივი თავშეყრის ადგილებში თავს უსაფრთხოდ არ გრძნობს.
აღნიშნული ანგარიში 3 დეკემბრიდან - 20 დეკემბრამდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით).
დეკემბერში ჩატარებული გამოკითხვა სულ 2,519 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 1,6 პროცენტია. NDI-ის კვლევა დიდი ბრიტანეთის მთავრობის UK aid-ის ფინანსური ხელშეწყობით ხორციელდება. კვლევა ჩატარებულია CRRC საქართველოს მიერ.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი