"ჯერ წითელას გავრცელება პრობლემატური არ არის, მაგრამ, შესაძლოა, მოიმატოს - სხვათა შორის, სხვა ქვეყნებიდან შემოტანილი წითელას შემთხვევებიც გვაქვს"- პაატა იმნაძე
ჯერ წითელას გავრცელება პრობლემატური არ არის, მაგრამ, შესაძლოა მოიმატოს - სხვათა შორის, სხვა ქვეყნებიდან შემოტანილი წითელას შემთხვევებიც გვაქვს, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ „ინტერპრესნიუსთან“ განაცხადა.
როგორც მან აღნიშნა, გასულ წელს წითელას 24 შემთხვევა იყო, წელს კი დაახლოებით 2-ჯერ მეტია. ამასთან, იმნაძე განმარტავს, რომ წითელასგან დაცვის ერთადერთი საშუალება აცრაა.
„სამწუხაროდ, მთელს ევროპაში წითელას შემთხვევებმა იმატა. ჩვენთანაც არის მატება, მაგრამ საბედნიეროდ ძალიან არ არის მომატებული. გასულ წელს წითელას 24 შემთხვევა გვქონდა, წელს კი დაახლოებით 2-ჯერ მეტი გვაქვს. სხვათა შორის, სხვა ქვეყნებიდან შემოტანილი წითელას შემთხვევებიც გვაქვს.
დაცვის ერთადერთი საშუალება არის აცრა. ბავშვი უნდა ავცრათ წითელას საწინააღმდეგო ვაქცინით. 1 წლის ასაკში იცრება ბავშვი, შემდეგ 5 წლის ასაკში და მთელი ცხოვრება დაცულია. ვინც აცრილია მათთვის წითელა პრობლემა არ იქნება. ორჯერ აცრა 97-98%-ით იცავს.
ჯერ წითელას გავრცელება პრობლემატური არ არის, მაგრამ, შესაძლოა, მოიმატოს. ვაქცინა ქვეყანაშია, ამიტომ ვისაც გამოტოვებული აქვს აუცილებლად აიცრას, მათ შორის ეს ეხებათ ზრდასრულებსაც. წითელასთან ერთად წითურაზეც იცრებიან. პრაქტიკულად თითქმის უიშვიათესი გახდა წითურა, მაგრამ ორსულობისას წითურა ძალიან საშიშია, ამიტომ ორსულობამდე სასურველია აცრის ჩატარება.
რაც შეეხება ჩუტყვავილას, ჩუტყვავილას ჩვეულებრივი, ფონური ავადობა გვაქვს“,- აღნიშნავს იმნაძე.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი