Washington Post საქართველოს კორონავირუსთან ბრძოლის წარმატებულ მაგალითად ასახელებს
Washington Post საქართველოს ახალ კორონავირუსთან ბრძოლის ერთ-ერთ წარმატებულ მაგალითად ასახელებს.
გამოცემა აღნიშნავს, რომ მსოფლიოს დიდი სახელმწიფოებისაგან განსხვავებით, მაგალითად აშშ-ს, რუსეთისა და ჩინეთისაგან განსხვავებით, ისეთ პატარა ქვეყნებს, როგორიც საქართელო, ლებანონი, ახალი ზელანდია, კოსტა რიკა და ვიეტნამია, ეპიდემიასთან გამკლავება უკეთ გამოსდით.
ზოგიერთმა პატარა სახელმწიფომ ამ პერიოდში აღიარება მოიპოვა, ვინაიდან მსოფლიო მათ მიღწევებსა და წარმატებებს აღნიშნავს. გამოცემა ასევე აღნიშნავს, რომ დიდ სახელმწიფოებს პატარა და ნაკლებად ძლიერი ქვეყნების შესწავლა დასჭირდებათ, რათა ეპიდემიას გაუმკლავდნენ.
"მაშინ, როდესაც მეზობელ რუსეთში კორონავირუსი ბობოქრობს, საქართველო სიმშვიდის კუნძულია. ქვეყანაში, 3.75 მილიონი მოსახლით, კორონავირუსის დადასტურებული შემთხვევების რიცხვი 700-ზე დაბალია, 12 ადამიანი გარდაიცვალა, რამაც ჯანდაცვის მსოფლიო ორგანიზაციისგან ქებაც დაიმსახურა", - ვკითხულობთ სტატიაში.
გამოცემა აღნიშნავს, რომ ქვეყნის ხელისუფლების მიერ გატარებულმა შემკავებელმა ზომებმა, მათ შორის აეროპორტებში ტემპერატურის სკრინინგის დაწყებამ იანვრის ბოლოს და საერთაშორისო ფრენებზე შეზღუდვების დროულად დაწესებამ ქვეყანაში ვირუსის გავრცელების შეჩერებას შეუწყო ხელი.
Washington Post აშშ-ში საქართველოს ელჩს, დავით ბაქრაძეს ციტირებს.
„ჩვენ რთულ პერიოდში ერთად დგომას მიჩვეულები ვართ“, – აცხადებს დავით ბაქრაძე.
დავით ბაქრაძემ ასევე აღნიშნა, რომ მისი ოფისი დაინტერესებული ამერიკელებისგან ბიზნეს და სამოგზაურო მოთხოვნებს იღებს.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე