ჰაერის დაბინძურებაზე სანქციები მკაცრდება
საკანონდებლო ცვლილებათა პაკეტი, რომელიც მშენებლობის პროცესში რეგულაციების გამკაცრებას ეხება, უკვე მომზადებულია, - ამის შესახებ თბილისის მთავრობის სხდომაზე დედაქალაქის მერმა კახა კალაძემ განაცხადა.
მისი თქმით, აღნიშნული პაკეტი მალე გადაეგზავნება პარლამენტს. თბილისის მერმა იმედი გამოთქვა, რომ საკანონდებლო ორგანო მხარს დაუჭერს მათ მიერ ინიცირებულ საკანონმდებლო ცვლილებებს, რადგან მისი თქმით, ჰაერის მტვრით დაბინძურება ერთ-ერათი სერიოზული პრობლემაა.
"ერთ-ერთი უმთავრესი პრობლემა არის ჰაერის მტვრით დაბინძურება. ამის ერთ-ერთ გამომწვევ მიზეზს წარმოადგენს თბილისში მიმდინარე მასშტაბური მშენებლობები, სამშენებლო მოედნები, ამტვერებადი მასალების ავტოსატრანსპორტო საშუალებებით გადაზიდვის, განთავსების, დამუშავებისა და რეალიზაციისთვის სპეციფიკური რეგულაციების არარსებობა. ეს არის დღეს სერიოზული პრობლემა. ჩვენ ამაზე უკვე ვისაუბრეთ. ჯგუფს დავალებაც ჰქონდა მიცემული შესაბამისი ცვლილებები განეხორციელებინა კანონდებლობაში. ეს პაკეტი უკვე მომზადებულია, რომელსაც უახლოეს მომავალში გადავცემთ პარლამენტს. დარწმუნებული ვარ, პარლამენტის მხრიდან იქნება მაქსიმალური მხარდაჭერა და თანადგომა, რომ ეს ცვლილებები განვახორციელოთ. მნიშვნელოვანია, რომ ამტვერებადი მასალიდან მყარი ნაწილაკების გარემოში მოხვედრა თავიდან ავირიდოთ. სწორედ აქედან გამომდინარე მომზადდა ეს კანონპროექტი.
მშენებლობის პროცესში ამტვერებისგან დამცავი ბადეების განუთავსებლობა, მშენებლობის პროცესში ამტვერებადი მასალის სველი მეთოდის გარეშე დამუშავება, ამტვერებადი მასალის გადაუხურავი ავტოსატრანსპორტო საშუალებით გადაზიდვა, განთავსებისას ამტვერებადი მასალისგან წარმოქმნილი მყარი ნაწილაკების გარემოში მოხვედრა, ამტვერებადი მასალის გადაუხურავ სივრცეში განთავსება და რეალიზაცია - აღნიშნულ ყველა მიმართულებაზე სანქციები გამკაცრებული იქნება. დიდი იმედი მაქვს, რომ ამ კანონპროექტს პარლამენტში ძალიან დიდი მხარდაჭერა ექნება,"- განაცხადა მან.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი