ბათუმში, ანგისის დასახლებაში, ერთ-ერთი მაღალსართულიანი კორპუსის, მე-14 სართულიდან მუშა გადმოვარდა. ადგილზე მისულ სასწრაფო დახმარების ჯგუფს 50 წლამდე კაცი გარდაცვლილი დახვდა.
2022 წლის ნობელის პრემია ლიტერატურაში ფრანგ მწერალს, ანი ერნოს გადაეცა. ნობელის კომიტეტის ცნობით, ეს ჯილდო მწერალს გადაეცემა „გამბედაობისა და გამორჩეული სიმკვეთრისთვის, რომლითაც იგი აშიშვლებს პირადი მეხსიერების ფესვებს, გაუცხოებასა და კოლექტიურ შეზღუდვებს“.
სინგაპურის სასამართლოს გადაწყვეტილება სულ მალე გამოცხადდება და ძალიან მაღალი ალბათობით, ბიძინა ივანიშვილი, ბერმუდის საქმის მსგავსად, ამ საქმესაც მოიგებს, რაც სამართლიანობის აღდგენისკენ გადადგმული კიდევ ერთი მნიშვნელოვანი ნაბიჯი იქნება, – ამის შესახებ ფილოსოფოსმა ზაზა შათირიშვილმა განაცხადა.
საქართველოს პროკურატურამ ივანე ჯავახიშვილის სახელობის თბილისის სახელმწიფო უნივერსიტეტის ყოფილი ბუღალტერი და „მასთან დანაშაულებრივ კავშირში მყოფი პირი" დააკავა.
პროკურატურის ვერსიით, თბილისის სახელმწიფო უნივერსიტეტის ყოფილმა ბუღალტერმა, ამ პოზიციაზე მუშაობის პერიოდში, სამსახურებრივი მდგომარეობის გამოყენებით, უნივერსიტეტის ანგარიშიდან მასთან დაკავშირებული პირების საბანკო ანგარიშებზე გადარიცხა და მიითვისა 165 000 ლარი.
გარდა ამისა, გამოძიების ინფორმაციით, ბრალდებულთან დანაშაულებრივ კავშირში მყოფმა პირმა თიბისი ბანკი შეცდომაში შეიყვანა, თითქოს უნივერსიტეტში სხვადასხვა პოზიციაზე მუშაობდა, რის შედეგადაც უკანონოდ მიიღო 105 000 ლარის კრედიტი.
როგორც განცხადებაშია ნათქვამი, პროკურატურამ ამ საქმეზე გამოძიება სახელმწიფო აუდიტის სამსახურისა და უნივერსიტეტის შიდა აუდიტის მიმართვების საფუძველზე დაიწყო.
დაკავებულებს ბრალდება სამსახურებრივი მდგომარეობის გამოყენებით დიდი ოდენობით თანხის მითვისების, მითვისებაში დახმარების და კრედიტის უკანონოდ მიღების მუხლებით წარედგინათ, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.
პროკურატურამ ბრალდებულებისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს უკვე მიმართა.
მასწავლებლის საერთაშორისო დღესთან დაკავშირებით, ქუთაისის მერი იოსებ ხახალეიშვილი, ადგილობრივი ხელისუფლების წარმომადგენლებთან ერთად, ღვაწლმოსილ და წარმატებულ პედაგოგებს შეხვდა.
ხვიჩა კვარაცხელიას „ნაპოლიმ“ ჩემპიონთა ლიგაზე „აიაქსთან“ შეხვედრა 6:1 მოიგო, რაშიც ხვიჩა კვარაცხელიამ თავისი წვლილი შეიტანა – ქართველმა თავდამსხმელმა ლიგაზე სადებიუტო გოლი გაიტანა და საგოლე გადაცემა შეასრულა.