FIFA-ს ვერსიით 2023 წლის საუკეთესო ფეხბურთელი გახდა ლიონელ მესი
ფეხბურთის საერთაშორისო ფედერაციის (FIFA) თანახმად, 2023 წლის საუკეთესო ფეხბურთელად აღიარებულია აშშ-ის კლუბ „ინტერ მაიამისა“ და არგენტინის ნაკრების თავდამსხმელი ლიონელ მესი. ამის შესახებ ორშაბათს გამოაცხადეს ლონდონში გამართულ ცერემონიაზე The Best FIFA Football Awards. მესისთვის ეს უკვე მესამე ასეთი პრიზია. თავად ფეხბურთელი ცერემონიას არ ესწრებოდა, მის მაგივრად ჯილდო მიიღო ღონისძიების თანაწამყვანმა, ყოფილმა ფეხბურთელმა, ფრანგმა ტიერი ანრიმ.
მესიმ იმდენივე ხმა მიიღო, რამდენიც ნორვეგიის ნაკრებისა და „მანჩესტერ სიტის“ თავდამსხმელმა ერლინგ ჰოლანდმა, მაგრამ გაუსწრო მას, ვინაიდან ეროვნული ნაკრებების მეტმა კაპიტანმა მისცა ხმა. ჯილდოს კანდიდატი იყო ასევე საფრანგეთის ნაკრებისა და „პარი სენ-ჟერმენის“ თავდამსხმელი კილიან მბაპე.
ოქტომბერში 36 წლის მესი მერვედ გახდა „ოქროს ბურთის“ მფლობელი. ამდენჯერ ჯერ არავის მოუპოვებია ეს ჯილდო, რომელსაც ჟურნალი France Football-ი გასცემს ყოველ წელს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი