ხაჭოს ღვეზელები ვაშლის გულსართით
ფუმფულა ხაჭოს ღვეზელები მთელი ოჯახისთვის. გემრიელი და სასარგებლოა ყველასთვის.
ინგრედიენტები:
200 გრამი ხაჭო (9%)
1 ცალი კვერცხი
85 გრამი დარბილებული ნაღების კარაქი
1 ს/კ შაქარი
1⁄4 ჩ/კ მარილი
1⁄2 ჩ/კ ცომის გამაფხვიერებელი
150 გრამი ფქვილი
2 ცალი მოზრდილი ვაშლი
1⁄2 ჭიქა ქიშმიში (სურვილისამებრ)
1 ს/კ ნაღების კარაქი
2 ს/კ შაქარი
ვანილი ან დარიჩინი გემოვნებით
მომზადების წესი:
ჯამში ერთმანეთს შეურიეთ ხაჭო, 1 ს/კ შაქარი, მარილი, 85 გრ. კარაქი; დაუმატეთ მსუბუქად ათქვეფილი კვერცხი და ისევ აურიეთ (თუკი ხაჭო ძალიან სქელია, თავიდან მისი ცხრილში გატარება მოგიწევთ). დაამატეთ ფქვილი, გამაფხვიერებელი და მოზილეთ რბილი ცომი, თუ საჭიროა გაზარდეთ ფქვილის რაოდენობაც. გადააფარეთ ცომს სუფთა ტილო და გადადგით.
გაასუფთავეთ ვაშლი და დაჭერით პატარა კუბიკებად. მცირე ზომის ქვაბში გაადნეთ 1 ს/კ ნაღების კარაქი, დაუმატეთ 2 ს/კ შაქარი (თუკი ვაშლი მჟავეა შეგიძლიათ შაქრის რაოდენობა გაზარდოთ) და ვაშლი, მოშუშეთ, სანამ მთელ წვენს არ შეიშრობს და ვაშლი კარგად არ დარბილდება. ბოლოს დაამატეთ ვანილი (ან დარიჩინი), აურიეთ და მიღებული გულსართი გადადგით გასაგრილებლად.
გააცხელეთ ღუმელი 200°C-მდე, საცხობ ლანგარზე დააფარეთ პერგამენტი და წაუსვით კარაქი.
დაყავით ცომი 10 ნაწილად, გამოიყვანეთ ღვეზელები ვაშლის გულსართით, დააწყვეთ საცხობ ლანგარზე და ზემოდან წაუსვით კვერცხი.
გამოაცხეთ, სანამ ღვეზელების ზედაპირი ოქროსფერს არ მიიღებს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი