"უკრაინის ომის შედეგები ძალიან სახიფათოა, არის შიმშილის უდიდესი რისკი"
უკრაინის ომის შედეგები არის ძალიან სახიფათო არა მხოლოდ უკრაინისთვის, არამედ მთელი მსოფლიოსთვის, არის შიმშილის უდიდესი რისკი, განსაკუთრებით აფრიკაში, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი კომისარმა, ჯოზეფ ბორელმა განაცხადა.
ჯოზეფ ბორელის განცხადებით, ეს ომი იწვევს ფასების ზრდას, ასევე ენერგეტიკული რესურსების და საკვების სიმცირეს.
„მხარს ვუჭერთ გაერო-ს ძალისხმევას, რომ მოხდეს უკრაინული ექსპორტის განბლოკვა. მსურს, ხაზი გავუსვა, რომ ევროპული სანქციები ამ კრიზისს არ ქმნის. ჩვენი სანქციების სამიზნე არ არის საკვები და სასუქები. პრობლემა უკავშირდება რუსეთის მიერ უკრაინული მარცვლეულის ბლოკადას. მილიონობით ტონა ხორბალია ბლოკირებული. ეს ნამდვილი ომის დანაშაულია. არ წარმომიდგენია ეს დიდხანს გაგრძელდეს. წინააღმდეგ შემთხვევაში, ეს იქნება ის, რისთვისაც რუსეთმა პასუხი უნდა აგოს“, – განაცხადა ბორელმა.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი
