"ოკუპანტები სლავიანსკზე შეტევის განახლებას ცდილობენ" - გენშტაბი
რუსი ოკუპანტები სლავიანსკზე შეტევის განახლებას ცდილობენ, - ამის შესახებ უკრაინის შეიარაღებული ძალების გენერალური შტაბის მიერ გამოქვეყნებულ ანგარიშშია აღნიშნული.
„სლავიანსკის მიმართულებით, ოკუპანტები სისტემატურად ხსნიან ცეცხლს, რათა შექმნან პირობები ქალაქ სლავიანსკზე თავდასხმის განახლებისთვის. ისინი ახორციელებენ შტურმს. ზალპური ცეცხლის რეაქტიული სისტემებიდან ცეცხლს უხსნიან დმიტროვკას, ოსინოვკას, კურულკას, ივანოვკასა და ადამოვკას ახლომდებარე ტერიტორიებს,“- აცხადებენ გენშტაბში.
მათივე ცნობით, ხარკოვის მიმართულებით მოწინააღმდეგე ახორციელებს საჰაერო დაზვერვას უკრაინული ძალების განლაგების ადგილების იდენტიფიცირების მიზნით.
„აგრესორმა უკრაინის პოზიციების ინტენსიური საარტილერიო დაბომბვა განახორციელა ხარკოვის, სტარი სალტოვის, რუბეჟნოესა და ჩეპილის მახლობლად. გარდა ამისა, მტერმა დაბომბა სამოქალაქო ინფრასტრუქტურა უკრაინკას, პეტროვკას, შეველევკას, ბაზალეევკასა და პრუდიანკას დასახლებების რაიონებში,“- აცხადებენ გენშტაბში.
მათივე ცნობით, დონეცკში, მოწინააღმდეგე აგრძელებს ძირითადი ძალისხმევის კონცენტრირებას სევეროდონეცკისა და ბახმუტის მიმართულებებზე, რათა მიაღწიოს ლუგანსკის ოლქის ადმინისტრაციულ საზღვრებს.
„მტერი ცდილობს დაამყაროს სრული კონტროლი ქალაქ სევეროდონეცკზე, დაბლოკოს თავდაცვის ძალების ქვედანაყოფები ბოროვსკოესა და ვორონოვოს დასახლებების რაიონებში, ბრძოლა გრძელდება“, - ნათქვამია ინფორმაციაში.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი