ვინიცაში სარაკეტო იერიშის შედეგად დაღუპულთა რაოდენობა 24-მდე გაიზარდა
უკრაინის ქალაქ ვინიცაზე 14 ივნისს განხორციელებული სარაკეტო იერიშის შედეგად დაღუპულთა რაოდენობა 24-მდე გაიზარდა. ამის შესახებ იტყობინება ვინიცის საოლქო სამხედრო ადმინისტრაციის ხელმძღვანელი სერჰი ბორზოვი.
ბორზოვის თქმით, 16 ივლისს საავადმყოფოში გარდაიცვალა ერთ-ერთი დაზარალებული, რომელსაც სხეულის 85%-ის დამწვრობა ჰქონდა. გრძელდება 68 დაზარალებულის მკურნალობა, მათ შორის ოთხი ბავშვია. კიდევ ოთხი ადამიანი უგზო-უკვლოდ დაკარგულად ითვლება. მანამდე იტყობინებოდნენ 23 დაღუპულის შესახებ, რომელთა შორის სამი ბავშვია.
14 ივლისს რუსეთის ჯარებმა სარაკეტო დარტყმები განახორციელეს ვინიცის ერთ-ერთ ცენტრალურ მოედანზე. რაკეტები მოხვდა საოფისე შენობას, ოფიცერთა სახლს, საცხოვრებელ სახლებსა და საყოფაცხოვრებო სახლი „საიუბილეოს“ ავტოსადგომს.
უკრაინის პრეზიდენტმა ვოლოდიმირ ზელენსკიმ მსოფლიო თანამეგობრობისგან მოითხოვა, რუსეთი ტერორისტ სახელმწიფოდ იქნეს აღიარებული და შეიქმნას უკრაინაში რუსეთის აგრესიასთან დაკავშირებული საგანგებო ტრიბუნალი.
რუსეთის თავდაცვის სამინისტრომ დაადასტურა ვინიცაზე იერიში. მან
განაცხადა, რომ „კალიბრის“ ტიპის რაკეტებით იერიში განხორციელდა მაშინ, როცა ვინიცის ოფიცერთა სახლში „მიმდინარეობდა შეხვედრა უკრაინის სამხედრო-საჰაერო ძალებისა და შეიარაღების უცხოელ მიმწოდებელთა წარმომადგენლებს შორის“.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი