''ამერიკულ არჩევნებში უკრაინა ჩაერია'' - რუსეთის დუმის სპიკერი
რუსეთის დუმის სპიკერი ვიაჩესლავ ვოლოდინი აცხადებს, რომ აშშ-ის პრეზიდენტ ჯო ბადენს ხელისუფლების შესანარჩუნებლად სჭირდება უკრაინაში საომარი მოქმედებების გაგრძელება.
დღეს, 21 ივლისს, ვოლოდინმა ტელეგრამ-არხზე დაწერა, რომ რამდენიმე თვეში, აშშ-ში ჩატარდება კონგრესის შუალედური არჩევნები და პრეზიდენტ ბაიდენისთვის „უკიდურესად მნიშვნელოვანია კონგრესში მომხრეთა უმრავლესობის შენარჩუნება“, რადგან „წინააღმდეგ შემთხვევაში შესაძლოა, იმპიჩმენტი გამოუცხადონ“. რომელ ინფორმაციას ეყრდნობა ვოლოდინი, გაურკვეველია. როგორც დუმის სპიკერი წერს, „ამერიკულ არჩევნებში უკრაინა ჩაერია“ და კონგრესის შუალედურ არჩევნებში "მნიშვნელოვან როლს უკრაინა ასრულებს".
აშშ-ის სპეცსამსახურებს დადასტურებული აქვთ 2016 წლის საპრეზიდენტო არჩევნებში რუსეთის ჩარევა და კიბერშეტევებით კონგრესის არჩევნებში ჩარევის მცდელობებიც. ტელეკომპანია CNN-ის ცნობით, ამერიკული სპეცსამსახურები არ გამორიცხავენ, რომ რუსეთი შეეცდება 2022 წლის ნოემბრის შუალედურ არჩევნებში ჩარევასაც.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი