რუსმა ოკუპანტებმა ხარკოვზე სარაკეტო დარტყმები განახორციელეს
რუსმა ოკუპანტებმა ხარკოვზე სარაკეტო დარტყმები განახორციელეს. ვრცელდება ინფორმაცია ორი გარდაცვლილისა და 17 დაშავებულის შესახებ. ამის შესახებ უკრაინული მედია ხარკოვის სამხედრო საოლქო ადმინისტრაციის ხელმძღვანელ ოლეგ სინეგუბოვზე დაყრდნობით წერს.
„რუსები ხარკოვზე დარტყმებს ახორციელებენ. მოსახლეობის საყურადღებოდ: იყავით თავშესაფრებში, აუცილებლობის გარეშე არ გახვიდეთ ქუჩებში, ნუ უგულებელყოფთ განგაშის სიგნალებს“, – ამბობს სინეგუბოვი.
ამასთან, ხარკოვის მერის, იგორ ტერეხოვის ცნობით, რუსეთის ძალებმა ცეცხლი გაუხსნეს ქალაქის ერთ-ერთი მჭიდროდ დასახლებულ რაიონს.
ამას გარდა, რუსეთის ძალებმა სარაკეტო იერიში მიიტანეს მიკოლაევში ჰუმანიტარული დახმარების საწყობზე. ამის შესახებ უკრაინული მედია მიკოლაევის სამხედრო საოლქო ადმინისტრაციის ხელმძღვანელ ვიტალი კიმზე დაყრდნობით წერს. კიმის ინფორმაციით, დაიწვა ათასობით ტონა პროდუქტი, რომელიც განკუთვნილი იყო ბავშვებისთვის, მოხუცებისა და გაჭირვებული მოქალაქეებისთვის.
სიახლეები
- „ფაინენშალ თაიმსის“ ცნობით, რუსეთი ევროპის მასშტაბით დივერსიებს ამზადებს
- “კვირაზე მეტია, უშედეგოდ ველით პასუხს” – ქუთაისში მოქმედი მედია და არასამთავრობო ორგანიზაციები განცხადებას ავრცელებენ
- საქართველოს კათოლიკოს-პატრიარქის, ილია მეორის სააღდგომო ეპისტოლე
- "სიძულვილის ენაზე აგებული აგრესიული კამპანია უწყვეტ ნაკადად მოედინება" -კახა კალაძე
- "ჩვენი ხედვა და ძალისხმევა, შევქმნათ მშვიდობიანი, უსაფრთხო და უზრუნველყოფილი მომავალი ჩვენი შვილებისთვის, ურყევია"