ჩინეთი ნენსი პელოსს ტაივანში ვიზიტის საპასუხოდ სანქციებს უწესებს
ჩინეთი ამერიკის შეერთებული შტატების წარმომადგენლობითი პალატის სპიკერს, ნენსი პელოსს ტაივანში ჩასვლისა და „მანკიერი და პროვოკაციული ქმედებების“ საპასუხოდ სანქციებს უწესებს. ინფორმაციას Bloomberg ავრცელებს.
ჩინეთის ხელისუფლებაში არ აკონკრეტებენ, რა სახის სანქციები აამოქმედეს პელოსის წინააღმდეგ. ქვეყნის მთავრობის განცხადებაში მხოლოდ ის არის აღნიშნული, რომ სანქციების დაწესებაზე გადაწყვეტილება მიიღეს, რადგან ჩინეთის სერიოზული შეშფოთებისა და მტკიცე წინააღმდეგობის მიუხედავად , ნენესი პელოსი მაინც ეწვია ტაივანს. მათივე შეფასებით, წარმომადგენლობითი პალატის სპიკერი ჩინეთის საშინაო საქმეებში სერიოზულად ერევა და „ერთი ჩინეთის“ პრინციპს არღვევს.
„სერიოზულად ძირს უთხრიდა ჩინეთის სუვერენიტეტსა და ტერიტორიულ მთლიანობას, არღვევდა ერთი ჩინეთის პრინციპს და სერიოზულ საფრთხეს უქმნის ტაივანის სრუტის მშვიდობასა და სტაბილურობას. პელოსის მანკიერი და პროვოკაციული ქმედებების საპასუხოდ, ჩინეთმა გადაწყვიტა სანქციების დაწესება პელოსისა და მისი ოჯახის წევრების მიმართ ჩინეთის სახალხო რესპუბლიკის შესაბამისი კანონების შესაბამისად“, - აღნიშნულია განცხადებაში.
ცნობისთვის, ნენსი პელოსი ტაივანში 2 აგვისტოს ჩავიდა, 3 აგვისტოს კი ტაივანის პრეზიდენტს ცაი ინ-ვენს შეხვდა. აღსანიშნავია, რომ ის პირველი ამერიკელი მაღალჩინოსანია, რომელიც ბოლო 25 წლის მანძილზე ტაივანში ოფიციალური ვიზიტით იმყოფებოდა.
სიახლეები
- "სანქციები რომ დააკისრონ ქვეყანას და ხალხს, ეს მიდგომა არასწორია"- ირაკლი ღარიბაშვილი
- "თურქეთი საქართველოს ევროატლანტიკურ სივრცეში გაწევრიანების მომხრედ რჩება და როგორც ადრე, ახლაც ისტორიის სწორ მხარეს დგას"
- პრეზიდენტმა „უცხოური გავლენის გამჭვირვალობის შესახებ” კანონს ვეტო დაადო
- "გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით"
- "პრეზიდენტად წოდებულს, ქალბატონს, რომ არ აინტერესებს კონსტიტუცია, ქვეყნის ინტერესები, ცხადი" - ირაკლი ღარიბაშვილი