ბულგარეთში გაიხსნა გაზსადენი IGB, რომლითაც ქვეყანა ბუნებრივ აირს აზერბაიჯანიდან მიიღებს
ბულგარეთში გაზსადენი IGB გაიხსნა, რომლითაც ქვეყანა ბუნებრივ აირს აზერბაიჯანიდან მიიღებს. ინფორმაციას „დოიჩე ველე“ ავრცელებს.
გაზსადენის გახსნის საზეიმო ცერემონია ბულგარეთის დედაქალაქში დღეს გაიმართა, რომელსაც ევროკომისიის პრეზიდენტი ურსულა ფონ დერ ლაიენიც დაესწრო. მან გაზსადენის ექსპლუატაციაში გაშვებას, ბულგარეთისთვის და სამხრეთ-აღმოსავლეთ ევროპისთვის, ახალი ეპოქის დასაწყისი უწოდა.
„ადრე ბულგარეთი გაზის 80 პროცენტს რუსეთიდან იღებდა. ეს იყო მანამდე, სანამ რუსეთი გადაწყვეტდა უკრაინის წინააღმდეგ ამ საშინელი ომის და ევროპის წინააღმდეგ ენერგეტიკული ომის დაწყებას. ეს გაზსადენი არის თამაშის ცვლილება ბულგარეთისა და ევროპის ენერგეტიკული უსაფრთხოებისთვის“, – განაცხადა ლაიენმა.
როგორც სააგენტო წერს, გაზსადენი ერთმანეთთან აკავშირებს ბულგარეთის ეროვნულ გაზის ქსელს და საბერძნეთის გაზის ქსელს. გაზსადენით ბუნებრივი აირი აზერბაიჯანიდან საბერძნეთის გავლით ბულგარეთს უნდა მიეწოდოს, იქიდან კი სერბეთს, ჩრდილოეთ მაკედონიას, რუმინეთსა და უნგრეთს. ახალი გაზსადენის მეშვეობით ბულგარეთი ყოველწლიურად ერთი მილიარდი კუბური მეტრი ბუნებრივი აირის მიღებას შეძლებს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი