„გაზპრომმა“ იტალიას ბუნებრივი აირის მიწოდება შეუწყვიტა
„გაზპრომმა“ იტალიაში ბუნებრივი აირის მიწოდება შეწყვიტა. ინფორმაციას „ბლუმბერგი“ ავრცელებს.
როგორც სააგენტო წერს, დღეს ბუნებრივი აირის მარეგულირებელ იტალიურ კომპანიაში „ენი“ განაცხადეს, რომ არ მიუღიათ მოთხოვნილი გაზი, რომელიც „გაზპრომს“ უნდა მიეწოდებინა.
იტალიას ბუნებრივი აირი „გაზპრომისგან“ ავსტრიის გავლით მიეწოდება. „ბლუმბერგის“ ცნობით, გაზის მიწოდება შეუწყდა მხოლოდ იტალიას, რადგან ავსტრია ბუნებრივ აირს რუსული კომპანიისგან კვლავ იღებს.
„გაზპრომმა“ შაბათს გაავრცელა განცხადება, რომელშიც ნათქვამია, რომ ბუნებრივი აირის მიწოდება შეაჩერა იტალიაში, რადგან ავსტრიულმა ოპერატორმა უარი თქვა ბუნებრივი აირის ტრანზიტზე სექტემბრის ბოლოს კანონმდებლობაში შეტანილი ცვლილებების გამო.
ამასთან, რუსულ კომპანიაში აღნიშნეს, რომ მუშაობენ იტალიურ მხარესთან პრობლემის მოსაგვარებლად. ავსტრიულ მარეგულირებელ კომპანიაში კი განაცხადეს, რომ ავსტრია არ არის კავშირში გაზის შეწყვეტასთან და „ენიმ“, „გაზპრომმა“ და ტრანსავსტრიული გაზსადენის ხელმძღვანელობამ უნდა შეასრულონ ორგანიზაციული მოთხოვნები.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი