ინდონეზიაში საფეხბურთო მატჩზე სულ ცოტა 127 ადამიანი დაიღუპა
ინდონეზიაში, კუნძულ იავაზე, ფეხბურთის მატჩის დროს, სულ ცოტა, 127 ადამიანი დაიღუპა.
180-მა ადამიანმა კი სხვადასხვა სიმძიმის დაზიანებები მიიღო - ადგილობრივი პოლიციის ცნობით, წაგებული გუნდის გულშემატკივრები ფეხბურთის მოედანზე შევარდნენ, მსხვერპლი სწორედ ამის შემდეგ წარმოშობილ ჭყლეტას მოჰყვა.
ერთმანეთს ინდონეზიის ორი საფეხბურთო გუნდი, „არემა“ და „პერსებაია სურაბაია“ ხვდებოდნენ, მალანგიში, კანჯურუჰანის სტადიონზე.
ფანების უკმაყოფილება არემას (2:3) წაგებას მოჰყვა და ისინი საფეხბურთო მოედნისკენ გაიქცნენ. ბრბოს აგრესიას კი მსხვერპლი მოჰყვა.
პოლიციამ გამოიყენა ცრემლსადენი გაზი, მაგრამ ამან მხოლოდ გააძლიერა არეულობები. დაღუპულებს შორის არიან ქალები და ბავშვები, ასევე ორი პოლიციელი.
ინდონეზიის საფეხბურთო ლიგამ საქმიანობა ერთი კვირით შეაჩერა. მიმიდინარეობს გამოძიება.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი