აშშ-ის პრეზიდენტი მარიხუანის შენახვისთვის ნასამართლევ ყველა პირს შეიწყალებს
აშშ-ის პრეზიდენტი ჯო ბაიდენი მარიხუანის შენახვისთვის ნასამართლევ ყველა პირს შეიწყალებს. ამის შესახებ ნათქვამია თეთრი სახლის მიერ გავრცელებულ განცხადებაში.
„არსებობს ათასობით ადამიანი, ვინც წარსულში ნასამართლევია მარიხუანის შენახვისთვის. შედეგად კი, მათ შეიძლება, უარი ეთქვათ დასაქმებაზე, საცხოვრებელ სახლზე ან განათლებაზე. ჩემი გადაწყვეტილება შეარბილებს ამ ნასამართლეობის შედეგებს“, – ნათქვამია განცხადებაში.
ამასთან, აშშ-ის პრეზიდენტმა მოუწოდა გუბერნატორებს, მიიღონ ანალოგიური გადაწყვეტილება შტატების დონეზეც.
„ისევე როგორც ფედერალურ, ისე შტატის ციხეშიც, არავინ უნდა დარჩეს მხოლოდ მარიხუანის შენახვისთვის“,- აცხადებს ბაიდენი.
აშშ-ის პრეზიდენტმა ასევე დაავალა ჯანდაცვის მდივანს და გენერალურ პროკურორს დაიწყონ ადმინისტრაციული პროცესი, რათა გადახედონ მარიხუანის სტატუსს ფედერალურ კანონმდებლობაში.
ამჟამად, აშშ-ის კანონით მარიხუანა იმავე ნუსხაში შედის, რომელშიც ასევე არის ჰეროინი.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი