"ფრონტზე ვერაფერს გავყინავთ, საყინულე არ ვართ - უნდა გავათავისუფლოთ ჩვენი ტერიტორიები"- ოლექსი დანილოვი
უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი ხერსონის გათავისუფლების შემდეგ ფრონტზე ვითარების გაყინვას გამორიცხავს და აცხადებს, რომ უკრაინის შეიარაღებული ძალები გააგრძელებენ ოკუპირებული ტერიტორიების გათავისუფლებას.
ამის შესახებ დანილოვმა საინფორმაციო ტელემარათონის ეთერში განაცხადა, სადაც უპასუხა შეკითხვას, თუ როგორ განვითარდება ვითარება ფრონტზე ხერსონის განთავისუფლების შემდეგ და არის თუ არა საუბარი ახლა ომის შესაძლო გაყინვაზე.
„ჩვენ ვერაფერს გავყინავთ. ჩვენ საყინულე არ ვართ. უნდა გავათავისუფლოთ ჩვენი ტერიტორიები ამინდისა და წელიწადის დროის მიუხედავად. არ ვაპირებთ გაჩერებას, რადგან ჩვენი ხალხი იქ არის, ვხედავთ როგორ იტანჯებიან. ისინი ჩვენს ბიჭებს, ჩვენს გამათავისუფლებლებს ესალმებიან ცრემლიანი თვალებით, ამიტომ შეიარაღებული ძალების ამოცანა საკმაოდ მარტივი და გასაგებია - ჩვენი მთელი ტერიტორიის გათავისუფლება ტერორისტებისგან, ოკუპანტებისგან და ეს აუცილებლად შესრულდება, მხოლოდ დროის საკითხია“, - აღნიშნა დანილოვმა.
სიახლეები
- „ნაციონალურმა მოძრაობამ“ და „ლელომ“ საპარლამენტო ბოიკოტი გამოაცხადეს
- კანონის მიღებას პარლამენტთან დაძაბულობა მოჰყვა - აქციის მონაწილეთა ნაწილმა ჯებირი გაჭრა
- სია: 84 დეპუტატი, რომლებმაც „აგენტების კანონს“ მესამე, საბოლოო მოსმენით მხარი დაუჭირეს
- ქუთაისის წერეთლის უნივერსიტეტის ლექტორები სტუდენტებს სოლიდარობას უცხადებენ
- "საქართველოს მთავრობას ქვეყანა ევროატლანტიკური გზიდან გადაჰყავს"- ჯონ ბასი