ზელენსკიმ უკრაინელებს მიმართა, ერთმანეთს მეტად დაეხმარონ და არ დაუშვან შიდა კონფლიქტები
უკრაინის პრეზიდენტმა ვოლოდიმირ ზელენსკიმ თანამოქალაქეებს მოუწოდა, ამ ზამთარს ერთმანეთს უფრო მეტად დაეხმარონ და არ დაუშვან შიდა კონფლიქტები, რადგან თუ ამ ზამთარს გაუძლებენ, ეს ნიშნავს, რომ ყველაფერს ბოლომდე დაიცავენ.
4 დეკემბერს, ღამით, უკრაინელებისადმი ვიდეომიმართვისას ზელენსკიმ განაცხადა, რომ რუსეთს ჯერ კიდევ აქვს რაკეტები და არტილერიით უპირატესობა, მაგრამ არ აქვს და არ ექნება ის, რაც - უკრაინელებს. ვოლოდიმირ ზელენსკის განცხადებით, უკრაინელები იცავენ თავის სახლს და იბრძვიან თავისუფლებისა და სიმართლისთვის, რაც ყველაზე დიდი მოტივაცია და ძალაა და უკრაინის გარშემო აერთიანებს მთელ მსოფლიოს. პრეზიდენტმა ზელენსკიმ უკრაინელებს მიმართა, ზამთრის ყოველი დღე აღიქვან არა გამოცდის, არამედ გამარჯვების მოახლოების დღედ.
უკრაინას უმძიმესი ზამთარი უდგას საომარი მოქმედებების გარდა, უმწვავესი ენერგოკრიზისის გამო, რომელიც ქვეყნის ენერგოობიექტებზე რუსეთის მასირებულმა სარაკეტო დარტყმებმა გამოიწვია.
სიახლეები
- ფრიდონ ინჯია პარლამენტს სახელმწიფო გერბზე გაკეთებული დევიზის „ძალა ერთობაშია“ შეცვლას და მის ნაცვლად, „ენა, მამული, სარწმუნოების“ დაწერას სთავაზობს
- "ახლა რაც ხდება არის ბრძოლა მომავალსა და წარსულს შორის, ფრონტის ხაზი გავლებულია და დარწმუნებული ვარ, ის მომავლის გამარჯვებით დასრულდება" - გია ხუხაშვილი
- „ჩვენი ერთობლივი მომავალი ევროპაშია!“ - ზურაბიშვილი ზელენსკის ტელეფონით ესაუბრა
- პაპუაშვილმა „ქარაფშუტა პოლიტიკოსი“ უწოდა გერმანიის ბუნდესტაგის საგარეო კომიტეტის თავმჯდომარეს
- "ლაზარე გრიგორიადისს სპეცრაზმის თანამშრომლები მივარდნენ, ვიდრე პოლიციის მანქანაში ჩასვამდნენ, მანამდე სცემეს, ძირს დააწვინეს და ურტყეს, აგინებდნენ - დაზიანებები სახეზე და თავზე აქვს, ბორკილებისგან დაწითლებული აქვს ხელები " - ადვოკატი