"არსებობს რამდენიმე ინდიკატორი, რომ რუსეთი მობილიზაციის მეორე ტალღის ჩატარებას გეგმავს"
არსებობს რამდენიმე ინდიკატორი, რომ რუსეთი მობილიზაციის მეორე ტალღის ჩატარებას გეგმავს, – ამის შესახებ ომის შესწავლის ამერიკული ინსტიტუტი თავის რეგულარულ მიმოხილვაში წერს.
როგორც მიმოხილვაშია აღნიშნული, კრემლმა პირდაპირ უპასუხა მობილიზაციის მეორე ტალღის შესახებ რუსეთში გავრცელებულ ხმებზე, რაც არის აშკარა მცდელობა, გაუმკლავდეს საზოგადოებაში შეშფოთების მზარდ ტალღას, თუმცა არსებობს რამდენიმე ინდიკატორი, რომ რუსეთი აპირებს მობილიზაციის მეორე ტალღის ჩატარებას.
ამას გარდა, ომის შესწავლის ინსტიტუტი ფრონტის ხაზზე არსებულ სიტუაციაზეც წერს. ინსტიტუტის მონაცემებით, უკრაინის ძალებმა ხარკოვის ოლქში, იმ მცირე ნაწილში, რომელიც რუსეთის არმიის კონტროლის ქვეშ რჩება, რამდენიმე დასახლებული პუნქტის გათავისუფლება შეძლეს.
როგორც ამერიკელი ექსპერტები წერენ, რუსეთის ძალები განაგრძობენ იერიშებს ბახმუტთან და ავდეევკასთან. ომის შესწავლის ამერიკული ინსტიტუტი წერს, რომ რუსული წყაროების ცნობით, რუსეთის ძალებმა ბახმუტთან მცირედით წინ წაწევა შეძლეს, თუმცა ქალაქის ალყაში მოქცევის მათი ძალისხმევა წარუმატებელია.
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"