ამის შესახებ საკუთარ წყაროებზე დაყრდნობით გამოცემა Washington Post-ი იუწყება.

მომდევნო თვეები კრიტიკული რომ იქნება, ამის შესახებ უკრაინის ხელისუფლებას აცნობეს ამერიკელმა ოფიციალური პირებმა, რომლებიც იანვარში კიევში იმყოფებოდნენ.

"უკრაინისათვის „სადამდეც საჭირო იქნება, მანამდე მხარდაჭერის“ დაპირებების მიუხედავად ამერიკის ხელისუფლება მიიჩნევს, რომ დასავლეთის დახმარების უახლესი პაკეტი კიევს კონფლიქტში გარდატეხის შეტანის საუკეთესო შანსს აძლევს. მაგრამ მომავალში, გაზეთის თანამოსაუბრეების აზრით, სიტუაცია შეიძლება არც ისე წარმატებული იყოს, რადგან რესპუბლიკელები, რომლებიც ახლა წარმომადგენელთა პალატას აკონტროლებენ, უკრაინის მხარდაჭერის შემცირებას აპირებენ. ასევე გაურკვეველია, დარჩება თუ არა ევროპიდან კიევისთვის იარაღის მიწოდება არსებულ დონეზე", - წერს გაზეთი.

"ჩვენ შემდგომშიც გავაგრძელებთ მათთვის იმის ახსნას, რომ რომ აბსოლუტურად ყველაფერს განუსაზღვრელი დროით ვერ გავაკეთებთ", - ციტირებს გაზეთი აშშ-ის მთავრობის მაღალჩინოსანს.

ამ ზაფხულს იწურება უკრაინისთვის დახმარების არსებული პაკეტი, რომლის შემდეგ კიევისთვის დახმარების გაწევა უფრო რთული გახდება. ამჟამად ბაიდენის ადმინისტრაცია კონგრესთან უკრაინისთვის პირდაპირი საბიუჯეტო დახმარების სახით კიდევ 10 მილიარდი დოლარი გამოყოფის საკითხზე მუშაობს. მოსალოდნელია, რომ დახმარების ახალი პაკეტი უკრაინის ტერიტორიაზე რუსეთის ინტერვენციის წლისთავთან დაკავშირებით, რუსეთის წინააღმდეგ ახალ სანქციებთან ერთად გამოცხადდება.

აშშ-ის პრეზიდენტმა ჯო ბაიდენმა 7 თებერვალს განაცხადა, რომ აშშ ერთიანი პოზიციით უჭერს მხარს უკრაინას რუსეთის შეჭრის მოგერიებაში და ეს მხარდაჭერა გაგრძელდება იმდენ ხანს, "რამდენი დროც უნდა დასჭირდეს".

აშშ-მა და ნატოს სხვა მოკავშირეებმა უკრაინის არმიის გასაძლიერებლად გაიღეს მილიარდობით დოლარის ოდენობის დახმარება, რაც მოიცავდა საჰაერო თავდაცვის სისტემებსაც. აშშ-ის და ევროკავშირის მიერ დაწესებული სანქციების მიზანია რუსეთში ფინანსური ზარალის გამოწვევა.

პუტინი აკრიტიკებს უკრაინისადმი დასავლეთის დახმარებას, რასაც რუსეთისთვის საფრთხედ მიიჩნევს. იგი აცხადებს, რომ რუსეთი გაიმარჯვებს უკრაინაში.