"გაწევრიანების საკითხი სტოლტენბერგზე რომ იყოს დამოკიდებული, უკრაინა ნატო-ში იქნებოდა"
გაწევრიანების საკითხი სტოლტენბერგზე რომ იყოს დამოკიდებული, უკრაინა ნატო-ში იქნებოდა, - ამის შესახებ უკრაინის პრეზიდენტმა ვოლოდიმირ ზელენსკიმ ფინელ, შვედ, დანიელ და ნორვეგიელ ჟურნალისტებთან საუბარში განაცხადა.
„იენსთან ჩემი ბოლო შეხვედრა ყველა წინა შეხვედრაზე უკეთესი იყო. მაგრამ კიდევ ერთხელ, ეს სამოკავშირეო გადაწყვეტილებაა. ვფიქრობ, გაწევრიანებაზე გადაწყვეტილება სტოლტენბერგზე რომ იყოს დამოკიდებული, უკრაინა ნატოში იქნებოდა“, - განაცხადა ზელენსკიმ.
მან აღნიშნა, რომ უკრაინამ კი არ გადაწყვიტა ნატო-ში არ ყოფილიყო, არამედ მოკავშირეებმა თავის დროზე ვერ გაბედეს კიევის მიღებაზე გადაწყვეტილების მიღება.
„არც ისე სამართლიანია, რომ აქამდე არავის არ აინტერესებდა რა რეაქცია ექნებოდა ადამიანს უკრაინაში, მაგრამ ყველას აინტერესებდა რა რეაქცია ექნებოდა რუსეთს. ვფიქრობ, ეს არასამართლიანია… მგონია, რომ მთლიანობაში იენსმა თავისი პოზიცია შეიცვალა. არ ეწყინოს, მასთან კარგი ურთიერთობა მაქვს, მაგრამ ვთვლი, რომ უფრო გაბედული ადამიანი გახდა. ჩვენთვის, მშვიდობისთვის და ალიანსისთვის ეს მნიშვნელოვანია“, - აღნიშნა ზელენსკიმ.
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"