"თუ იტყვით, რომ პუტინი ომის დამნაშავეა, გაცილებით რთული იქნება შეთანხმების მიღწევა"
აშშ-ის ყოფილმა პრეზიდენტმა, დონალდ ტრამპმა ტელეკომპანია „სიენენის“ ეთერში თავი შეიკავა და რუსეთის პრეზიდენტი ვლადიმერ პუტინი ომის დამნაშავედ არ მოიხსენია.
„თუ იტყვით, რომ პუტინი ომის დამნაშავეა, გაცილებით რთული იქნება შეთანხმების მიღწევა, რათა ომი დასრულდეს“, – განაცხადა ტრამპმა.
როგორც ტრამპმა აღნიშნა, პუტინმა უკრაინაში შეჭრით დიდი შეცდომა დაუშვა. მისივე თქმით, ამერიკის პრეზიდენტი თავად რომ ყოფილიყო, ომს ერთ დღე-ღამეში დაასრულებდა.
შეკითხვაზე, ვინ მოიგებს ომს, პასუხის გაცემისგან ტრამპმა თავი შეიკავა.
„არ ვფიქრობ იმაზე, ვინ მოიგებს ან წააგებს ომს. ვფიქრობ, სიტუაციის გამოსწორებაზე. ხალხი იღუპება, რუსებიც და უკრაინელებიც. მინდა, ეს შეწყდეს და მე ამას 24 საათში გავაკეთებ“, – განაცხადა ტრამპმა.
სიახლეები
- პოლიციასა და აქციის მონაწილეებს შორის დაპირისპირება იყო
- "დღეს ამ კანონის მიღება არის ქვეყნის ღალატი!" - ფრიდონ შუბითიძე
- 29 აპრილს, ქუთაისში აქცია-კონცერტი - “არა რუსულ კანონს” გაიმართება
- "სენატორების წერილი განგაშის ზარია"- სალომე სამადაშვილი
- "პროვოკაციებს არ დავუშვებთ - კარგია, რომ აქციები სხვადასხვა დღეს იმართება" - ირაკლი ღარიბაშვილი
