"კახოვსკას კაშხლის განადგურებას, შესაძლოა, ზაპოროჟიეს ატომური ელექტროსადგურისთვის უარყოფითი შედეგები მოჰყვეს" - „ენერგოატომი“
რუსული ჯარების მიერ კახოვსკას ჰიდროელექტროსადგურის განადგურებას შესაძლოა უარყოფითი შედეგები მოჰყვეს ზაპოროჟიეს ატომურ ელექტროსადგურზე, მაგრამ სიტუაცია კონტროლს ექვემდებარება, - ამის შესახებ კომპანია „ენერგოატომის“ მიერ გავრცელებულ განცხადებაშია აღნიშნული.
„რუსმა ოკუპანტებმა კახოვსკას ჰიდროელექტროსადგურის კაშხალი ააფეთქეს. აფეთქების შედეგად კახოვსკას წყალსაცავში წყლის დონე სწრაფად იკლებს, რაც დამატებით საფრთხეს წარმოადგენს დროებით ოკუპირებული ზაპოროჟიეს ატომური ელექტროსადგურისთვის. კახოვსკას რეზერვუარიდან წყალი აუცილებელია იმისთვის, რომ ატომურმა ელექტროსადგურმა მიიღოს ენერგია ტურბინის კონდენსატორებისა და უსაფრთხოების სისტემებისთვის. ახლა ელექტროსადგურის გამაგრილებელი წყალსატევი სავსეა: დილის 08:00 საათისთვის წყლის დონე 16.6 მეტრია და ეს საკმარისია ელექტროსადგურის საჭიროებისთვის“, - აღნიშნულია განცხადებაში.
„ენერგოატომი“ ირწმუნება, რომ ახლა ზაპოროჟიეს ატომურ ელექტროსადგურზე, სიტუაცია კონტროლს ექვემდებარება და უკრაინელი პერსონალი ყველა ინდიკატორს აკონტროლებს. სიტუაციის შეცვლის შემთხვევაში კი დაუყოვნებლივ გაავრცელებს ინფორმაციას.
სიახლეები
- "შეგვიძლია ვეტოს პროცედურა გამოვიყენოთ ცვლილებებისთვის" - ირაკლი კობახიძე
- "მეთოდები, რომლებსაც დღეს ქუჩებში მშვიდობიანი დემონსტრანტების წინააღმდეგ იყენებენ, ძალიან რუსული, დაშინების მეთოდია" - პრეზიდენტი
- პარლამენტთან აქციაზე ევროკავშირის რამდენიმე წევრი ქვეყნის პარლამენტის საგარეო საქმეთა კომიტეტების თავმჯდომარეები მივიდნენ
- ქუთაისის მუნიციპალიტეტში ქალების ავტობუსის მძღოლებად მომზადების კურსებზე მიღება იწყება
- "გამჭვირვალობის კანონი ქმნის მტკიცე გარანტიებს გრძელვადიანი მშვიდობის უზრუნველსაყოფად და ე.წ. პოლარიზაციის დასაძლევად, რაც ევროკავშირში ინტეგრაციის აუცილებელი პირობაა"