"აშშ და მისი ნატო-ს თანამგზავრები ქმნიან რუსეთთან პირდაპირი შეიარაღებული შეტაკების რისკს" - სერგეი ლავროვი
შეერთებული შტატები და მისი ნატო-ს თანამგზავრები ქმნიან რუსეთთან პირდაპირი შეიარაღებული შეტაკების რისკს, რაც სავსეა კატასტროფული შედეგებით. ფაქტს, რომ კიევს ეყოლება F-16 მებრძოლები, რომლებსაც შეუძლიათ ბირთვული იარაღის ტარება, მოსკოვი შეხედავს, როგორც მუქარას დასავლეთის მხრიდან, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.
„უაღრესად საშიში განვითარების მხოლოდ ერთი მაგალითია აშშ-ის გეგმები F-16 საბრძოლო თვითმფრინავების კიევის რეჟიმისთვის გადაცემის შესახებ. ჩვენ ვაცნობეთ აშშ-ის ატომურ ძალებს, ბრიტანეთსა და საფრანგეთს, რომ რუსეთს არ შეუძლია, უგულებელყოს ამ თვითმფრინავების უნარი, ატარონ ბირთვული იარაღი“, – აღნიშნა ლავროვმა.
მისივე თქმით, უკრაინის შეიარაღებულ ძალებში ასეთი სისტემების გაჩენის ფაქტს რუსეთი დასავლეთის მხრიდან ბირთვულ სფეროში შექმნილ საფრთხედ განიხილავს.
შეგახსენებთ, რომ უკრაინა ახალ კოალიციას ქმნის, რომელიც უკრაინელ პილოტებს F-16 ტიპის ავიაგამანადგურებლების გამოყენებაში გაწვრთნის. კოალიციაში უკრაინასთან ერთად 11 ქვეყანა ერთიანდება: დანია, დიდი ბრიტანეთი, ბელგია, ნიდერლანდის სამეფო, ლუქსემბურგი, ნორვეგია, რუმინეთი, პოლონეთი, პორტუგალია, შვედეთი და კანადა.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"