ბჟანიას მოსკოვში ოპერაცია ჩაუტარდა
ოკუპირებული აფხაზეთის დე ფაქტო პრეზიდენტს მოსკოვის ერთ-ერთ კლინიკაში ოპერაცია გაუკეთეს.
„საფუძვლიანი დიაგნოსტირების შემდეგ მას ოპერაცია ჩაუტარდა. პროცედურამ წარმატებით ჩაიარა. პრეზიდენტ ასლან ბჟანიას სიცოცხლესა და ჯანმრთელობას არაფერი ემუქრება“, - ციტირებს "აფსნიპრესი" ბჟანიას პრესსამსახურის განცხადებას.
სარეაბილიტაციო პროცესის გავლის შემდეგ, რომელიც რამდენიმე დღეს გასტანს, ის გაგრძელებს მივლინებას მოსკოვში.
აგვისტოს დასაწყისში ოკუპირებული აფხაზეთის დე ფაქტო პრეზიდენტს, ასლან ბჟანიას, მოსკოვში ვიზიტის მიმდინარეობისას ჯანმრთელობის პრობლემა შეექმნა და სამედიცინო დახმარება დასჭირდა. მას უროლიტიზის გამწვავება აღენიშნებოდა,
2019 წელს ბჟანიამ ჯანმრთელობის მდგომარეობის გამო მონაწილეობა ვერ მიიღო ე.წ. საპრეზიდენტო არჩევნებში (მისი და მისი მომხრეების აზრით, იგი მოწამლული იყო). 2020 წლის არჩევნებამდეც, ჯანმრთელობის მდგომარეობის მოულოდნელი გაუარესების გამო, ის სასწრაფოდ მოათავსეს სოჭის საავადმყოფოში, საიდანაც ხელოვნურ კომაში მყოფი პოლიტიკოსი კრასნოდარის კლინიკაში გადაიყვანეს. მოგვიანებით ოკუპირებული აფხაზეთის „ჯანდაცვის სამინისტრომ“ უარყო მოწამვლის შესახებ ცნობა და განაცხადა, რომ მას „ორმხრივი პოლისეგმენტური პნევმონია“ ჰქონდა.
2022 წელს ასლან ბჟანიას რუსეთის ერთ-ერთ კლინიკაში თირკმლის ოპერაცია ჩაუტარდა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი