მედვედევი მსოფლიოს იოანე მოციქულის, ლენინის და ხრუშჩოვის ციტატებით აფრთხილებს
რუსეთის უშიშროების საბჭოს მდივნის მოადგილე დმიტრი მედვედევი აცხადებს, რომ თუ უკრაინამ დასავლეთს მართლაც შეუთანხმა ყირიმზე დარტყმები, ეს რუსეთს აძლევს საშუალებას იმოქმედოს jus ad bellum-ის(ომის უფლება) ფარგლებში ნატოს წევრი ქვეყნების წინააღმდეგ.
მედვედევის მიერ ტელეგრამზე დღეს, 29 აგვისტოს გამოქვეყნებული ეს პოსტი მოჰყვა უკრაინის პრეზიდენტის ოფისის ხელმძღვანელის მრჩევლის, მიხაილო პოდოლიაკის განცხადებაზე დაყრდნობით 28 აგვისტოს გავრცელებულ ცნობებს, რომ პარტნიორი სახელმწფოები მხარს უჭერენ ყირიმზე უკრაინის შეტევას.
„აპოკალიფსის წინასწარმეტყველება სულ უფრო ახლოსაა“, - წერს მედვედევი და მოჰყავს 3 ციტატა. ახალი აღთქმიდან იოანე მოციქულის გამოცხადების მეცხრე თავიდან: „იმ დღეებში სიკვდილს დაუწყებენ ძებნას კაცნი და ვერ ჰპოვებენ, ინატრებენ, ნეტა მოვკვდეთო, მაგრამ სიკვდილი დაუსხლტება მათ". ლენინის ციტატა: „ჩვენ ვახსოვართ, სანამ სხვას ხელს ვუშლით“ და ნიკიტა ხრუშჩოვის ციტატა: „მოგწონთ თუ არა, ისტორია ჩვენ მხარესაა. ჩვენ თქვენ დაგმარხავთ“.
ბოლო ხანს, უკრაინის თავდაცვის ძალები სულ უფრო ხშირად უტევენ რუსეთის მიერ 2014 წლიდან ანექსირებულ ყირიმის ნახევარკუნძულს. 26 აგვისტოს, უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა კირილო ბუდანოვმა რადიო თავისუფლების პროექტ „კრიმ რეალიისთან“ ინტერვიუში განაცხადა, რომ ყირიმს გაათავისუფლებენ კომბინირებული გზით, რაც ბევრ ვარიანტს მოიცავს, მაგრამ სამხედრო მოქმედებების გარეშე შეუძლებელი იქნება.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი