რუსეთის კურსკის ოლქზე დრონებით შეტევის სამიზნე, სავარაუდოდ, სამხედრო აეროდრომიც იყო
რუსეთის ქალაქ კურსკთან უპილოტო საფრენი აპარატით წუხანდელი შეტევის სამიზნე ხალინოს სამხედრო აეროდრომი იყო. ამის შესახებ უკრაინის წინააღმდეგ ომის მხარდამჭერი რუსი, ე.წ. სამხედრო ბლოგერები წერენ. ტელეგრამ-არხებით გავრცელებული ინფორმაციით, არის მსხვერპლი.
რუსეთის თავდაცვის სამინისტრომ 24 სექტემბერს, ღამით, მხოლოდ ის განაცხადა, რომ საჰაერო თავდაცვის საშუალებებით კურსკის ოლქის თავზე „გაანადგურეს უკრაინული უპილოტო საფრენი აპარატი“.
ქალაქ კურსკზე დრონებით შეტევა იყო 24 სექტემბერს დღისითაც. კურსკის ოლქის გუბერნატორმა რომან სტაროვოიტმა განაცხადა, რომ „უკრაინულმა უპილოტო საფრენმა აპარატმა შეუტია ადმინისტრაციულ შენობას“. რომელს, გუბერნატორს არ დაუკონკრეტებია. სტაროვოიტის მტკიცებით, „უმნიშვნელოდ დაზიანდა სახურავი“. რუსული მედიით გავრცელებული ცნობებით, დარტყმა იყო რუსეთის უშიშროების ფედერალური სამსახურის სამმართველოს შენობაზე. 24 სექტემბერს კურსკის ოლქში უპილოტო საფრენი აპარატით შეუტიეს ნავთობგადამამუშავებელ ქარხანასაც.
უკრაინის სუმის ოლქთან მოსაზღვრე კურსკის ოლქი რუსეთის იმ რეგიონებს შორისაა, სადაც სულ უფრო გახშირდა უპილოტო საფრენი აპარატებით შეტევა. უკრაინის ხელისუფლება ამ თავდასხმებზე ოფიციალურ კომენტარს არ აკეთებს.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი