სომხეთის მთავრობას ევროკავშირში გაწევრიანების განაცხადის გაკეთებისკენ მოუწოდებენ
სამოქალაქო და პოლიტიკური ძალების ნაწილი სომხეთის მთავრობას მოუწოდებს, სასწრაფოდ დაიწყოს მოსკოვის ზედამხედველობის ქვეშ მყოფი სამხედრო-პოლიტიკური ბლოკის, კოლექტიური უსაფრთხოების ხელშეკრულების ორგანიზაციის (ОДКБ), ევრაზიული ეკონომიკური კავშირის (ЕАЭС) და დსთ-ს დატოვების პროცედურა და გააკეთოს ევროკავშირში გაწევრიანებისთვის განაცხადი.
ეს გადაწყვეტილება სამოქალაქო ორგანიზაციებმა დამოუკიდებელ ფორუმზე მიიღეს.
განცხადება გმობს „რუსეთისა და აზერბაიჯანის მუქარას სომხეთის დამოუკიდებლობისა და ტერიტორიული მთლიანობის მიმართ“.
განცხადების ავტორები დასავლეთს მოუწოდებენ, გამოიყენონ საჭირო დიპლომატიური და პოლიტიკური ინსტრუმენტები, როგორც პირველი ნაბიჯი მთიანი ყარაბაღიდან „რუსეთის საოკუპაციო ძალების“ გაყვანისთვის.
ისინი მოუწოდებენ სომხეთის ხელისუფლებას, შეწყვიტოს ყველა სამხედრო და ეკონომიკური შეთანხმება რუსეთთან, აკრძალოს რუსული სახელმწიფო ტელევიზიისა და სატელევიზიო არხების მაუწყებლობა, მიმართოს ევროკავშირს გაწევრიანების მოთხოვნით, ხელი მოაწეროს ორმხრივ სტრატეგიული პარტნიორობის შეთანხმებებს ევროკავშირის წევრ ქვეყნებთან, აშშ-სთან, კანადასთან, ინდოეთთან და გაერთიანებული დასავლეთის სხვა დემოკრატიულ ქვეყნებთან, გადადგას ნაბიჯები ორმხრივი და მრავალმხრივი სამხედრო თანამშრომლობის გასაღრმავებლად, დასავლეთის ქვეყნებთან და ევროატლანტიკური უსაფრთხოების სისტემებთან სამხედრო-ტექნიკური თანამშრომლობის გასაღრმავებლად.
სომხეთ-რუსეთის ურთიერთობებში დაძაბულობა რჩება. რუსეთის საგარეო საქმეთა მინისტრმა სერგეი ლავროვმა ცოტა ხნის წინ სომხეთის ხელმძღვანელობას ურჩია, გაიხსენონ „შეერთებულ შტატების იმედად მყოფი ქვეყნების ბედი“.
სომხეთის პრემიერ-მინისტრმა ნიკოლ ფაშინიანმა ადრე განაცხადა, რომ უსაფრთხოების გარე სისტემები, რომლებშიც ერევანი მონაწილეობს, არაეფექტურია.
2023 წლის 19-20 სექტემბერს აზერბაიჯანმა ყარაბაღში სამხედრო ოპერაცია ჩაატარა და აღდგენილად გამოაცხადა საკუთარი სუვერენიტეტი.
28 სექტემბერს არაღიარებული რესპუბლიკის პრეზიდენტმა სამველ შაჰრამანიანმა გამოსცა ბრძანება, რომლის თანახმად, „რესპუბლიკა მთიანი ყარაბაღი“ (არცახი) არსებობას შეწყვეტს 2024 წლის 1 იანვრიდან.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი