"საქართველოს ევროკავშირში გაწევრიანება მხოლოდ დროის საკითხია" - პაველ ჰერჩინსკი
საქართველოს ევროკავშირში გაწევრიანება მხოლოდ დროის საკითხია და საქართველოს საზღვრები ევროკავშირის გარე საზღვრები გახდება. ასე რომ, დარწმუნებული უნდა ვიყოთ, რომ ეს საზღვრები ძალიან კარგად არის დაცული არა მხოლოდ საქართველოს გულისთვის, არამედ ევროკავშირის ყველა წევრი სახელმწიფოსთვის, - ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს საბაჟოს საერთაშორისო დღესთან დაკავშირებით გამართული ღონისძიების ფარგლებში განუცხადა.
ელჩმა უპასუხა შეკითხვას, რას ნიშნავს ერთიან სატრანსპორტო სისტემასთან მიერთება საქართველოსთვის და რა სარგებელს მისცემს ეს ქვეყანას.
„ჩვენ დღეს ვზეიმობთ საბაჟოს საერთაშორისო დღეს. მინდა ვაღიარო ქართველი მებაჟე ოფიცრების პროფესიონალიზმი, მძიმე შრომა, თავდადება და ადაპტირებადობა. ევროკავშირი მხარს უჭერს საქართველოს საგადასახადო და საბაჟო შემოსავლების სფეროებს 20 წელზე მეტი ხნის განმავლობაში და ჩვენ გვსურს ამ მხარდაჭერის გაგრძელება განსაკუთრებით ახლა, როდესაც საქართველო ევროკავშირის წევრობის კანდიდატი ქვეყანაა. საქართველოს ევროკავშირში გაწევრიანება მხოლოდ დროის საკითხია და საქართველოს საზღვრები ევროკავშირის გარე საზღვრები გახდება. ასე რომ, დარწმუნებული უნდა ვიყოთ, რომ ეს საზღვრები ძალიან კარგად არის დაცული არა მხოლოდ საქართველოს გულისთვის, არამედ ევროკავშირის ყველა წევრი სახელმწიფოსთვის“, - აღნიშნა ელჩმა.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი