"ბენიამინ ნეთანიაჰუ უფრო აზარალებს ისრაელს, ვიდრე ეხმარება" - ჯო ბაიდენი
აშშ-ის პრეზიდენტის, ჯო ბაიდენის განცხადებით, მიაჩნია, რომ ისრაელის პრემიერ-მინისტრი, ბენიამინ ნეთანიაჰუ უფრო ზიანს აყენებს ისრაელს, ვიდრე ეხმარება.
„მას უფლება აქვს, დაიცვას ისრაელი, უფლება გააგრძელოს „ჰამასის“ დევნა, მაგრამ მეტი ყურადღება უნდა მიაქციოს უდანაშაულო ადამიანების სიცოცხლეს, რომლებიც იღუპებიან განხორციელებული ქმედებების შედეგად. ჩემი აზრით, ის უფრო მეტად აზარალებს ისრაელს, ვიდრე ეხმარება მას“, - აღნიშნა ბაიდენმა MSNBC-თან ინტერვიუში.
მისი თქმით, ღაზაში დაღუპულთა რაოდენობა „ეწინააღმდეგება იმას, რასაც ისრაელი ამტკიცებს და ვფიქრობ, რომ ეს დიდი შეცდომაა. ”
ამასთან, აშშ-ის პრეზიდენტის განმარტებით, ისრაელის პოტენციური შეჭრა ღაზის სექტორის ქალაქ რაფაში მისთვის „წითელი ხაზია“, მაგრამ არ შეწყვეტს ისრაელისთვის იარაღის მიწოდებას, როგორიცაა რაკეტების „ჩამჭრელები“, რომელსაც ისრაელის თავდაცვის სისტემა „რკინის გუმბათი“ იყენებს.
”ეს არის წითელი ხაზი, მაგრამ მე არასოდეს ვაპირებ ისრაელის მიტოვებას. ისრაელის დაცვა ჯერ კიდევ კრიტიკულად მნიშვნელოვანია, ამიტომ არ არსებობს წითელი ხაზი, რომლითაც შევწყვეტ ყველა იარაღის მიწოდებას ისე, რომ მათ არ ჰქონდეთ „რკინის გუმბათი“ თავის დასაცავად“, - აღნიშნა ბაიდენმა.
სიახლეები
- "საქართველო ჩამოდგა რუსთაველზე საქართველოს გადასარჩენად" - თაკო ჩარკვიანი
- "ივანიშვილის უძლეველობის მითი დანგრეულია" - გიორგი გახარია
- "არა რუსეთს და არა ყველაფერს, რაც საქართველოს რუსეთისკენ მიაქანებს, საქართველოს გზა ევროპაშია"- ბუდუ ზივზივაძე
- Anonymous-ი აცხადებს, რომ საქართველოს შს სამინისტროს ვებგვერდი გატეხა
- "არაფერია იმაზე მნიშვნელოვანი, ვიდრე ქვეყანა, თავისუფლება საქართველოს და არა ძალადობას, არა რუსეთს!" - გიორგი ქოჩორაშვილი