ავსტრიამ კიდევ ორი რუსი დიპლომატი გააძევა
ავსტრიის საგარეო საქმეთა სამინისტრომ პერსონა ნონ გრატად გამოაცხადა ვენაში რუსეთის საელჩოს ორი თანამშრომელი. მათ ავსტრია 19 მარტამდე უნდა დატოვონ.
საგარეო საქმეთა სამინისტრომ გადაწყვეტილების მიზეზად დაასახელა ამ პირთა ქმედებები, რომლებიც შეუთავსებელია დიპლომატის სტატუსთან. ეს ფორმულირება, როგორც წესი, გამოიყენება სპეცსამსახურების სასარგებლოდ მოქმედების შემთხვევაში.
რუსეთის საგარეო საქმეთა სამინისტროში განაცხადეს, რომ ავსტრიის გადაწყვეტილებას საპასუხო ზომები მოჰყვება.
2023 წლის თებერვალში, სტატუსთან შეუთავსებელი ქმედებების გამო, ავსტრიიდან გააძევეს ოთხი რუსი დიპლომატი. კიდევ ოთხს ქვეყანა დაატოვებინეს 2022 წლის აპრილში, როცა ევროკავშირის წევრმა სახელმწიფოებმა კოორდინირებულად გადაწყვიტეს რუსი დიპლომატების გაძევება, რუსი სამხედროების მიერ უკრაინის ქალაქ ბუჩაში მშვიდობიანი მოქალაქეების მასობრივად დახოცვის გამო.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი
