"ვირუსთან დაკავშირებული ვითარება მძიმეა, მაგრამ გამკლავება შესაძლებელია"-ჩინეთის პრეზიდენტი
ჩინეთის პრეზიდენტი, სი ძინპინი აცხადებს, რომ მის ქვეყანაში კორონავირუსის გავრცელებით შექმნილი ვითარება "მძიმეა" - იმ ფონზე, როცა ვირუსმა კიდევ რამდენიმე ადამიანი იმსხვერპლა და დააავადა, მსოფლიოს გარშემო ქვეყნებში კი ამ დაავადების ახალი შემთხვევები ფიქსირდება.
სი ძინპინმა 25 იანვარს ჩინეთის კომუნისტური პარტიის ლიდერთა შეხვედრაზე განაცხადა, ჩინეთი დგას "ახალი კორონავირუსის მზარდი გავრცელებით შექმნილი მძიმე ვითარების წინაშეო". ვირუსმა ჩინეთში სულ მცირე 56 ადამიანი იმსხვერპლა და 1,975-მდე ადამიანი დააავადა. თუმცა, პრეზიდენტი მოქალაქეების დამშვიდებას შეეცადა და დასძინა, რომ ქვეყანა "აუცილებლად შეძლებს ამ ბრძოლის მოგებას".
ვრცელდება ცნობები, რომ ჩინეთში სულ უფრო მეტი ქალაქი იკეტება, იქ ვერ შედის და ვერ გამოდის ტრანსპორტი. კრიზისის გამო სათანადოდ ვერ აღინიშნა ჩინეთის უდიდესი დღესასწაული, ახალი წლის დადგომა.
ჩინეთის სამგზავრო სერვისების ასოციაციამ ტურისტულ სააგენტოებს უთხრა, შეაჩეროს ყველა ჯგუფური ტური, რადგან საახალწლო დღეებში მილიონობით ადამიანის მოგზაურობამ ხელი შეუწყო ვირუსის გავრცელებას, როგორც ქვეყნის შიგნით, ისე მის საზღვრებს გარეთ.
სიახლეები
- უცხოური ვალუტის ოფიციალური კურსი 27 აპრილისთვის
- "ჩვენი გზა გამჭვირვალობა, ოჯახური ღირებულებების დაცვა, ეროვნული პოლიტიკის კეთება და საქართველოს რეალური ევროპული გზაა, ქრისტიანული და დემოკრატიული, ღირსეული ევროპული გზა"
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"