"ჯანმო-მ შეცდომები დაუშვა, მაგრამ მსოფლიოს ის სჭირდება"
აშშ-ის ალერგიისა და ინფექციური დაავადებების ეროვნული ინსტიტუტის დირექტორის, ენტონი ფაუჩის განცხადებით, ჯანდაცვის მსოფლიო ორგანიზაციამ შეცდომები დაუშვა, მაგრამ მსოფლიოს ის სჭირდება.
„ის სრულყოფილი ორგანიზაცია არაა. მან შეცდომები დაუშვა, მაგრამ მსურს, ეს შეცდომები გასწორებული ვიხილო. მსოფლიოს ჯანმო კორონავირუსის მსგავს ეპიდემიებთან გასამკლავებლად სჭირდება,“- განაცხადა ფაუჩიმ.
მან იმედი გამოთქვა, რომ აშშ-სა და ჯანდაცვის მსოფლიო ორგანიზაციას შორის ურთიერთობები გაუმჯობესდება.
„იმედი მაქვს, აშშ-სა და ჯანმო-ს შორის არსებული დაძაბულობა მოგვარდება. ჯანმო მსოფლიოს სჭირდება როგორც კორონავირუსის მსგავს ეპიდემიებთან გასამკლავებლად, ასევე ჯანდაცვის ზოგად საკითხებთან დაკავშირებით,“- აღნიშნა ენტონი ფაუჩიმ.
აშშ-ის ალერგიისა და ინფექციური დაავადებების ეროვნული ინსტიტუტის დირექტორის თქმით, 40 წელია ის ჯანმო-სთან მჭიდროდ თანამშრომლობს და ფიქრობს, რომ იქ ბევრი კარგი ადამიანია, მათ შორის გენერალური დირექტორი ტედროს ადჰანომ გებრეიესუსი.
შეგახსენებთ, აშშ ჯანდაცვის მსოფლიო ორგანიზაციას ტოვებს. ქვეყანამ ორგანიზაციის დატოვების შესახებ გადაწყვეტილება გაერო-ს ოფიციალურად უკვე აცნობა.
სიახლეები
- "რუსეთი მზად არის, განიხილოს უკრაინაში ვითარების დარეგულირებასთან დაკავშირებით სერიოზული წინადადებები" - მარია ზახაროვა
- "აქცენტი მთლიანად გადავიდა აქციებზე, ყველას დაავიწყდა ძირითადი თემა, რომელიც ეხება „გამჭვირვალობის კანონის“ ავკარგიანობას, ვაქვეყნებთ ტექსტს, ყველას მოვუწოდებთ წაკითხვისკენ"
- სალომე ზურაბიშვილმა „საგადასახადო კოდექსში“ ცვლილებებს ვეტო დაადო
- "მიზეზი იესო ქრისტეს საშინელი სიკვდილისა იყო მამაზეციერის უსაზღვრო სიყვარული კაცთა მოდგმისადმი, რათა დაღუპული კაცობრიობა გადარჩენილიყო რწმენით და მიეღო საუკუნო სიცოცხლე"
- "დღეს რასაც ქუჩაში ვხედავთ, თვითნაბად, თვითორგანიზებულ პროტესტს, ძალიან ჰგავს მაიდანს"