იტალიაში სახლების 1 დოლარიდან გაყიდვა ათობით ქალაქმა დაიწყო

წარმატებული მაგალითის შემდეგ სახლების 1 დოლარიდან გაყიდვა იტალიის ათობით ქალაქმა დაიწყო. ამ ინფორმაციას CNN ავრცელებს.

 

გამოცემის ცნობით, დაახლოებით 1 წლის წინ ინტერნეტში გავრცელდა ინფორმაცია, სადაც ნათქვამი იყო, რომ იტალიის სამხრეთში მდებარე მოსახლოებისგან თითქმის დაცლილი ქალაქი სამბუკა ახალ მცხოვრებლებს ეძებდა. სამბუკას თვითმმართველობამ მიტოვებული სახლების აუქციონზე გატანა დაიწყო, რომელთა საწყისი ფასიც 1 დოლარს შეადგენდა.

 

 

სტატიამ საზოგადოების დიდი ინტერესი გამოწვია და სახლის შეძენის სურვილი ასობით ადამიანმა გამოთქვა.

 

 

 

ამ ამბიდან რამდენიმე კვირაში იტალიის კუნძულ სიცილიის ქალაქმა კამარატამ მსგავსი კამპანია წამოიწყო. ქალაქის თვითმმართველობამ გადაწყვიტა მიტოვებული სახლები ახალმოსახლეობისთვის გადაეცა უსასყიდლოდ იმ შემთხვევაში, თუ ისინი 2 000-დან 5 000 დოლარამდე დეპოზიტს გადაიხდიდნენ. მათ 1 წლიანი ვადა ეძლეოდათ სახლის შესაკეთებლად, რის შემდეგაც დეპოზისტს უკან იბრუნებდნენ.

 

 

ამ ამბის გავრცელებიდან რამდენიმე დღეში კამარატაში საცხოვრებლად გადასვლის სურვილი ასობით ადამიანმა გამოთქვა.

 

 

 

 

2 წარმატებული მაგალითის შემდეგ იტალიის მოსახლებისგან თითქმის დაცლილმა ათობით ქალაქმა გადაწყივტა მსგავსი ხერხით ახალი მცხოვრებლები მოეზიდა. აღსანიშნავია, რომ დაინტერესებულ პირებს თითოეული მათგანი ერთმანეთისგან გასხვავებულ პირობას სთავაზობს, თუმცა მათი მიზანი და მთავარი პრინციპი კვლავ ქალაქების გადარჩენაა.

 

 

CNN-ის ინფორმაციით მსგავსი კამპანიები იტალიის სხვადასხვა ნაწილში დაიწყო და ქვეყნის პატარა ქალაქები თუ სოფლები ახალმოსახლეებს ელიან.

 

 

 

წაკითხვა 165 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.