შესაძლოა შიდა ტურიზმიც შეწყდეს
სვანეთში ეპიდემიის გავრცელებამ შიდა ტურიზმის უპერსპექტივობა ნათლად დაგვანახა.
მთიანი რეგიონის გარდა, დღეს ინფექცია დადასტურდა ზღვისპირა კურორტზეც. როგორც ტურიზმის სფეროს სპეციალისტი ნიკა კვარაცხელია ამბობს, ვერც საკურორტო რეგიონები აღმოჩნდნენ ინფექციისგან დაცული და სარგებლის ნაცვლად, ქვეყანა ამით ეკონომიკურ ზარალს მიიღებს.
,,ეპიდემია მსოფლიოში ისეთ ფაზაშია, რომ ამ პერიოდში ტურიზმის გახსნას ვერავინ დაუშვებს, ტურიზმზე ჩამოკიდებული ქვეყნებიც კი უარს ამბობენ საზღვრების გახსნაზე. გარე ტურებზე ლაპარაკიც ზედმეტია, ვინმე ამ პერიოდში რომც ჩამოვიდეს საქართველოში, შეიძლება, მერე უფრო მეტი დაიხარჯოს მის ჯანმრთელობაზე, ესეც კარგად უნდა გავაცნობიეროთ. ჩვენ გვეგონა , რომ შიდა ტურიზმი გადაგვარჩენდა, მაგრამ ვერ ეს ხერხდება - ხალხი მიაწყდა სვანეთს და ვნახეთ, რაც მოხდა. გამოდის, რომ ინფექციისგან არც შიდა ტურიზმი არის დაცული. სანამ კორონავირუსი იარსებებს, უამრავ ქვეყანაში და მათ შორის, საქართველოშიც, ტურიზმს განვითარება არ უწერია. არ გამოვრიცხავ დაიბლოკოს, მაგრამ რეკომენდაციას ვუწევ, რომ დროებით შიდა ტურიზმიც შეწყდეს, რათა ეკონომიკა და ქვეყანა გადარჩეს. შემოსავალი, რომელსაც დღეს შიდა ტურიზმი იძლევა, არ არის დიდი, ხოლო მკურნალობის ხარჯი თუ გაიზრდება, ამას ქვეყნის ეკონომიკა რთულად გაუძლებს. მით დღეს ისეთი სიტუაციაა შექმნილი covid-19-ის გამო, რომ შეიძლება კურორტები ინფექციის გავრცელების წყაროებდ ვაქციოთ, ამიტომ დიდი სიფრთხილეა საჭირო", - აცხადებს ნიკა კვარაცხელია.
სიახლეები
- მაკარონი მდნარი ყველით
- " როგორ შეიძლება მოწოდებები გააკეთო დაპირისპირებაზე? „ოცნება“ ხომ არ ხარ? - ყველას მოვუწოდებ, თავი შეიკავონ მსგავსი ტიპის უპასუხისმგებლო განცხადებებისგან "-ბექა ლილუაშვილი გიორგი ვაშაძის განცხადებაზე
- 3 თვის მონაცემებით, საქართველოში თავშესაფრის მაძიებლად 379 პირია აღრიცხული, საიდანაც ყველაზე ბევრი - 66 ადამიანი, უკრაინის მოქალაქეა - ამავე პერიოდში საქართველოდან სხვა ქვეყნის 59 მოქალაქე გააძევეს
- " ევროპარლამენტში საქართველოსათვის სანქციების მოთხოვნის მხარდამჭერთა ბირთვს ლიეტუველი დეპუტატები წარმოადგენენ, კუბილიუსის - გორბაჩოვის მხარდამჭერისა და მეხოტბის მეთაურობით" - გია ვოლსკი
- "მამული, ენა და სარწმუნოება - ეს არის სამი მთავარი საყრდენი, რომელიც ქმნის საქართველოს ეროვნულ იდენტობას" - ირაკლი კობახიძე