"მულო შენ გითხარი და რძალო შენ გაიგონეო" - როგორ ეხმაურება გიორგი გახარიასთვის მიწერილ კონგრესმენების წერილს გია ხუხაშვილი?

წერილით რეალურად ხომ გიორგი გახარიასთვის არ მიუმართავთ?! ეს არის შემთხვევა, "მულო შენ გითხარი და რძალო შენ გაიგონეო". ეს წერილი მიწერილი არის ბიძინა ივანიშვილისთვის. გახარია არის ჩვეულებრივი ფოსტალიონი, რომელსაც წერილი გადასაცემად გაუგზავნეს, - ამის შესახებ პოლიტოლოგმა გია ხუხაშვილმა "პალიტრანიუსის" გადაცემაში "360 გრადუსი" განაცხადა, რითაც ის კონგრესმენების წერილს გამოეხმაურა.

 


როგორც ხუხაშვილმა აღნიშნა, უკვე გადალახულია ის ზღვარი, როდესაც ცალკეული წერილები უნდა განიხილონ. მის თქმით, თუ მთელს სურათს შევხედავთ, ბოლო თვეების განმავლობაში კრიტიკა საკმარისზე მეტი იყო. ხუხაშვილის მოსაზრებით, ხელისუფლება იმასაც ცდილობს, რომ ყველა კონკრეტულ წერილზე, გამოხმაურებაზე აგდებით გასცეს პასუხი და ამით დახუროს თემა, სინამდვილეში, კი პრობლემა უკვე სისტემურ ხასიათს ატარებს.

 

 

"ჩვენ რომ ჩამონათვალი გავაკეთოთ საიდან რა გამოხმაურება იყო, რა პოლემიკა იყო და ა.შ. დავინახავთ, რომ მთლიანად დასავლეთში, სამწუხაროდ, უკვე ყალიბდება (მარტო კონგრესმენებზე არ არის საუბარი) წარმოდგენა, თუ რა ტიპის მმართველობითი სისტემაა საქართველოში და ეს არის მთავარი პრობლემა. ფაქტობრივად, თუ ჩვენ ყველაფერს შევაჯამებთ ამ რიტორიკას, ამ წერილებს პოლემიკას და ა.შ. ერთ რამეს დავინახავთ - დასავლეთი უკვე რწმუნდება იმაში, რომ საქართველოში არის გარკვეული ტიპის ჩრდილოვანი ავტორიტარიზმი. ჩვენ ვლაპარაკობთ იმაზე, რომ გახარიას წერილით მიმართა, წერილით რეალურად ხომ გახარიასთვის არ მიუმართავთ?! ეს არის შემთხვევა, „მულო შენ გითხარი და რძალო შენ გაიგონეო". ანუ, ეს წერილი მიწერილი არის ბიძინა ივანიშვილისთვის. გახარია არის ჩვეულებრივი ფოსტალიონი, რომელსაც წერილი გადასაცემად გაუგზავნეს. ამიტომ ამ წერილს გახარია, როგორ გამოაქვეყნებდა, სანამ სხვაგან არ მიიღებოდა გადაწყვეტილება",-აცხადებს ხუხაშვილი.

 

 

მისივე თქმით, მთავრობა ცდილობდა კონგრესმენების წერილი დაემალა, თუმცა ბოლოს მიხვდნენ, რომ აზრი არ ჰქონდა და სკანდალი მოხდებოდა.

 

 

"არ უნდოდათ, მაგრამ გამოაქვეყნეს. ახლა, გამოვლენ და რაღაც სისულელეებს იტყვიან, რომ უფრო სიღრმისეული საუბრებია საჭირო, ირაკლი ბერაია უნდა ჩავიდეს და ა.შ. ადამიანებს, რომელთა კომპეტენცია სერიოზული კითხვის ნიშნის ქვეშ დგას, აქვთ იმის ილუზია, რომ შესაძლებელია, ამერიკელი კონგრესმენების, ევროპარლამენტარების, ან კიდევ ვიღაცებისთვის თვალში ნაცრის შეყრა. კახა კუჭავას, რომელიც გუშინ სიტყვას გმირულად ითხოვდა და არ ალაპარაკეს, როგორ უნდა აეხსნა ის, რომ საქართველოში პროპორციული არჩევნები არ ტარდება იმიტომ, რომ ამბოხდა დიმიტრი ხუნდაძე. ყველამ ხომ იცის, რომ ეს ტყუილია“, - განაცხადა გია ხუხაშვილმა.
 
 
 
წაკითხვა 120 ჯერ განახლდა განახლდა იანვარი 23 2020
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.