სანდრო ბრეგაძის ფარული აუდიო ჩანაწერი ФСБ-ს ყოფილი პოლკოვნიკთან

სანდრო ბრეგაძე სკანდალში ეხვევა - სოციალურ ქსელებში ქართული მარშის ლიდერის, აუდიოჩანაწერი გავრცელდა, რომელშიც ის რუსეთის ფედერაციის საბჭოს წევრს, იგორ მოროზოვს ესაუბრება. იგორ მოროზოვი ფსბ-ს პოლკოვნიკი იყო და მას კგბ-ს ინსტიტუტი აქვს დამთავრებული.

 
აუდიოჩანაწერში იგორ მოროზოვი სანდრო ბრეგაძეს გარკვეულ ბიზნეს ინტერესებზე და "ფულის შოვნაზე" ესაუბრება. კერძოდ, რუსი მაღალჩინოსანი ინტერესდება, გაიყიდება თუ არა საქართველოში თხევადი გაზი. აუდიოჩანაწერი დაახლოებით 5-წუთიანია.

 

"ვაიბერში მოგწერ...იმიტომ რომ ცოტა ბიზნესით უნდა დავკავდეთ. თქვენ მანდ როგორ ხართ, გაზი? პროპანი? ბუტანი? თხევადი გაზი? ... ჩემი მეგობრები მთავაზობენ კარგ მოცულობებს მუდმივად. ისინი ამბობენ, რომ საქართველოში ეს ძალიან კარგად წავიდოდა, ამიტომ შენ თავზე თუ აიღებ ამ თემას", - მიმართავს იგორ მოროზოვი ბრეგაძეს.

 

ბრეგაძე წინადადებას თანხმდება და ამბობს, რომ საკითხზე მუშაობას აღდგომის შემდეგ დაიწყებს. რუსი ჩინოსნის თქმით, ის დააკავშირებს ბრეგაძეს ბიზნესმენთან, რომელიც 20 წელია ამ საქმეშია ჩართული.

 

"ბიზნესმენთან გაივლი კონსულტაციას. შენ დაგეყრდნობა. მე მას ვუთხარი, რომ საქართველოში რუსეთის წარმომადგენელი მხოლოდ შენ შეიძლება იყო", - ამბობს მოროზოვი ჩანაწერში.

 

აუდიოჩანაწერის გავრცელების შემდეგ ბრეგაძე მედიასთან ამბობს, რომ მოროზოვი მისი და მისი ოჯახის დიდი ხნის მეგობარია, რომელთანაც ხშირად სხვადასხვა თემაზე საუბრობს.

 

"რატომ დუმს ჩვენი სამსახურები იმის თაობაზე, რომ რამდენიმე ხნის წინ 'რუხი მგლების' წევრები იყვნენ საქართველოში ჩამოსულები და მათი სამიზნე ვიყავი მე? ამაზე რატომ არაფერს ამბობენ?! როცა მაფრთხილებენ რომ ერთი და იგივე ადგილას საჭმელი არ ვჭამო და მარტომ არ ვიარო, მაშინ რატომ არ იძახიან არაფერს?!

 

ახლა რაც შეეხება მოროზოვს - ეს პიროვნება არის ჩემი და ჩემი ოჯახის მეგობარი. ათწლეულებია ახლობლური ურთიერთობა გვაქვს. ამ ადამიანთან ბევრ საკითხზე მისაუბრია ბევრჯერ, ხან პოლიტიკაზე, ხან სპორტზე, ადამიანმა წმინდა მეგობრულად მთხოვა, გაზი გაიყიდება თუ არა საქართველოში", - ამბობს სანდრო ბრეგაძე.

 

ბრეგაძე აცხადებს, რომ "დამონტაჟებული პირადი ცხოვრების ამსახველი კადრების გავრცელებით აშანტაჟებენ".

 

წაკითხვა 202 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.