მნიშვნელოვანი კითხვებია, რატომ უკეთებს პუტინი შეთავაზებებს საქართველოს ახლა, რა საფასურის გადახდა მოუწევს საქართველოს პირდაპირი ფრენების, სავიზო რეჟიმის გაუქმებისთვის, სარკინიგზო ხაზის პოტენციური აღდგენით, – ამის შესახებ საქართველოში აშშ-ის ელჩმა, კელი დეგნანმა განაცხადა.
„ნიკა მელია რომ პარტიის თავმჯდომარე ყოფილიყო, ეს არ მოხდებოდა. ხაბეიშვილს ავტორიტეტად, როგორც პარტიის თავმჯდომარეს, „ნაციონალურ მოძრაობაში“ არავინ თვლის“, - ასე გამოეხმაურა ექსპერტი პოლიტიკის საკითხებში გია ხუხაშვილი იუსტიციის უმაღლესი საბჭოს წევრობის კანდიდატების არჩევას, რომელთაც მხარი რამდენიმე ოპოზიციონერმა დეპუტატმა დაუჭირა.
„კლანი“ წვიმის შემდეგ, სოკოსავით ამოსული რაღაც წარმონაქმნი არ არის საქართველოს სასამართლო სისტემაში, “კლანს” თქვენ უმაგრებთ ზურგს - რამდენ ხანს აპირებთ გადაეფაროთ „კლანს“ ლეღვის ფოთლად?, - ასე მიმართა „ლელოს“ დეპუტატმა ანა ნაცვლიშვილმა პარლამენტის იურიდიულ საკითხთა კომიტეტის თავმჯდომარეს, ანრი ოხანაშვილს პლენარულ სხდომაზე, სადაც „საერთო სასამართლოების შესახებ“ ორგანულ კანონში დაგეგმილი ცვლილებების პროექტის განხილვა მიმდინარეობს.
თავდაცვის ყოფილმა მინისტრმა, დავით კეზერაშვილმა BBC-ის წინააღმდეგ სარჩელი შეიტანა.
„ეროვნულ-დემოკრატიული პარტიის" ლიდერი, პარლამენტის წევრი ბაჩუკი ქარდავა ტოვებს ფრაქცია „ნაციონალური მოძრაობა - ძალა ერთობაშია"-ს. დეპუტატმა გადაწყვეტილება ფრაქციის სხდომის შემდეგ მიიღო, რომელიც ეხებოდა საპარლამენტო უმრავლესობისთვის სასურველი იუსტიციის უმაღლესი საბჭოს არამოსამართლე წევრებისთვის ოპოზიციის რამდენიმე დეპუტატის მხრიდან მხარდაჭერას.
არაფერი არ იქნება ვიდრე ქართული პარტიები არ ისწავლიან, რომ შენი გამარჯვება სხვის განადგურებას არ ნიშნავს, ვიდრე საქართველოს მოქალაქე არ მიხვდება, ვიღაცას ხმას რომ აძლევს, ის ღმერთი არ უნდა გახადოს, - ამის შესახებ პარტია „საქართველოსთვის“ თავმჯდომარემ გიორგი გახარიამ პარტიის წევრებთან შეხვედრისას განაცხადა.