ანექსირებული ყირიმის რამდენიმე დასახლებული პუნქტიდან მოსახლეობის ევაკუაციას გეგმავენ
რუსეთის მიერ ანექსირებული ყირიმის აღმოსავლეთ ნაწილში, სადაც სამხედრო პოლიგონი იწვის, 2000-ზე მეტი ადამიანის ევაკუაცია იგეგმება.
ამის შესახებ ტელეგრამით იუწყება ყირიმის ე.წ. მეთაური სერგეი აქსიონოვი. მისი ინფორმაციით, დროებითი ევაკუაცია შეეხება კიროვის რაიონში მდებარე პოლიგონთან მდებარე 4 დასახლებული პუნქტის მცხოვრებთ.
აქსიონოვი კვლავ არ ამბობს, რამ გამოიწვია ხანძარი. ადგილობრივი ტელეგრამ-არხების ცნობით, სავარაუდოდ დრონებით დარტყმის შედეგად პოლიგონზე აფეთქდა საბრძოლო მასალების საწყობი. ხანძრის გამო დაიკეტა საავტომობილო მაგისტრალი „ტავრიდა“.
პოლიგონი, სადაც ხანძარია, მდებარეობს ყირიმის აღმოსავლეთ ნაწილში და დიდი მანძილითაა დაშორებული ფრონტის ხაზს. ნახევარკუნძულის ამ ნაწილშია რუსეთთან დამაკავშირებელი ყირიმის ხიდიც, რომელზეც 17 ივლისს დრონებით შეტევა იყო.
ყირიმის აღმოსავლეთზე უპილოტო საფრენი აპარატებით იერიში განხორციელდა 18 ივლისსაც. რუსეთი ამ თავდასხმებს უწოდებს უკრაინის „ტერორისტულ შეტევას“. უკრაინის თავდაცვის სამინისტრო და გენერალური შტაბი ოფიციალურ კომენტარს არ აკეთებენ.
სიახლეები
- აშშ რუსეთს ადანაშაულებს უკრაინელი სამხედროების წინააღმდეგ ქიმიური იარაღის გამოყენებაში
- "ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის ომის გამოცხადებაა - ის, რაც მიუღებელია მოსახლეობისთვის, მიუღებელია პრეზიდენტისთვის'' - სალომე ზურაბიშვილი
- დღეს ტაძრებში დიდი ხუთშაბათის მსახურება შესრულდება
- დღეს პარლამენტში დაგეგმილი ბიუროს და პლენარული სხდომები არ გაიმართება - შენობაში 14:00 საათამდე უსაფრთხოების წითელი დონე იმოქმედებს
- "საქართველო ევროკავშირის კანდიდატი ქვეყანაა და მის ხელისუფლებას მოვუწოდებ, რომ მშვიდობიანი შეკრების უფლება უზრუნველყოს " - ჯოზეფ ბორელი