ისინი თვლიან, რომ ეროვნული მოძრაობის მიმართ ივანიშვილის სენტიმენტები თვალთმაქცობაა და ის ამ როლს შუალედური არჩევნების წინ მიზანმიმართულად ირგებს.

ონლაინგამოცემა „presa.ge”-ს რედაქტორი ამბობს, რომ ივანიშვილი იყო ის ადამიანი, რომელიც 9 აპრილის ტრაგედიის მთავარ მოქმედ პირს გენერალ ალექსანდრ ლებედის აფინანსებდა.

გიორგი კაპანაძემ ივანიშვილის ის ინტერვიუები მოიძია, რომელიც მმართველი პარტიის თავმჯდომარეს რუსულ გამოცემა „ვედომოსტისთვის“ აქვს მიცემული, სადაც ის მხარს ღიად უჭერს გენერალ ლებედის. მისი თქმით, ივანიშვილი აფინანსებდა გენერალ ლებედს გუბერანატორობის დროს და ცდილობდა ელცინთან ერთად ის რუსეთის საპრეზიდენტო არჩევნებში ჩართულიყო. გენერალი ლებედი კი თავის მხრივ იყო პირი, რომელიც არ მალავდა საკუთარ შოვინისტურ დამოკიდებულებას საქართველოსთან მიმართებით.

„ივანიშვილი აფინანსებდა რუს გენერალს ალექსანდრ ლებედის,რომელიც იყო 1989 წლის 9 აპრილის ტრაგედიის მთავარი ორგანიზატორი გენერალ როდიონოვთან ერთად. ივანიშვილი აფინანსებდა იმ ადამიანებს, რომლებმაც და რომლის ორგანიზებითაც ქართველი გოგო-ბიჭები მოწამლული ნიჩბებით აჩეხეს.  ივანიშვილი ამაყობდა იმით, რომ ლებედი დააფინანსა და გარკვეული როლი შეიტანა მის კარიერულ წინსვლაში. არანაირი მორალური უფლება ამ ადამიანს არ აქვს, რომ ისაუბროს 9 აპრილზე, ახლა პასტას რომ ვერ აგდებს ხელიდან

"უნდა ვიცოდეთ, რომ ივანიშვილი იყო როდიონოვის, ალექსანდრე ლებედის იდეოლოგი და დამფინანსებელი. ეს მეტყველებს ფარისევლობაზე, მეტყველებს ივანიშვილის ფარისევლობაზე და იმაზე,რომ მას ეშინია ძალაუფლების დაკარგვის, უცებ გახდა ზვიადისტი, ხიბულაში აღმოჩნდა, ხელისუფლებაში მოსვლიდან შვიდი წლის შემდეგ და ზუგდიდის მერის არჩევნების წინ,“-ამბობს გიორგი კაპანაძე.

http://rustavi2.ge