აფხაზეთში ოპოზიციამ საგზაო-საპატრულო სამსახურის პოსტების ბლოკირება მოახდინა
აფხაზეთში ოპოზიცია საგზაო-საპატრულო სამსახურის პოსტებს ბლოკავს, - ამის შესახებ “რია ნოვოსტის” თვითაღიარებული რესპუბლიკის დე ფაქტო შსს-ს ხელმძღვანელმა გარი არშბამ განუცხადა.
გუშინ ოპოზიციამ სოხუმში, ე. წ. პარლამენტის შენობასთან დაუმორჩილებლობის უვადო აქცია გამოაცხადა, დღეს კი მომიტინგეებმა განაცხადეს, რომ მალე საპროტესტო მოძრაობა მთელ აფხაზეთს მოედება.
ე.წ შინაგან საქმეთა სამინისტროს ხელმძღვანელის თქმით, ბლოკირებულია ბზიფისა და ტამიშის ე.წ გამშვები პუნქტები გაგრისა და ოჩამჩირის რაიონებში.
შეგახსენებთ, ოპოზიციამ უვადო აქცია მას შემდეგ გამოაცხადა, რაც ე. წ. პარლამენტმა გადაწყვიტა, არ გადაევადებინა ე.წ საპრეზიდენტო არჩევნები, მიუხედავად ე.წ კანდიდატ ასლან ბჟანიას გარშემო შექმნილი სიტუაციისა. ასლან ბჟანია ოპოზიციის წარმომადგენელია. 18 აპრილს იგი მძიმე მდგომარეობაში მყოფი მოათავსეს მოსკოვის ერთ-ერთ კლინიკაში. მისი თანამოაზრეები ირწმუნებიან, რომ მათი ლიდერი მოწამლეს. მათი მონაცემებით, ბჟანიას სისხლში ვერცხლისწყლის ჭარბი დონე უფიქსირდება. ამასთან დაკავშირებით ოპოზიცია არჩევნების საშემოდგომოდ გადატანას ითხოვდა, თუმცა უარი მიიღო.
სიახლეები
- უცხოური ვალუტის ოფიციალური კურსი 27 აპრილისთვის
- "ჩვენი გზა გამჭვირვალობა, ოჯახური ღირებულებების დაცვა, ეროვნული პოლიტიკის კეთება და საქართველოს რეალური ევროპული გზაა, ქრისტიანული და დემოკრატიული, ღირსეული ევროპული გზა"
- "28 აპრილს თითოეული ქართველის ადგილი რუსთაველზეა" - ლევან ხაბეიშვილი
- "ეს ერთ-ერთი, ყველაზე მკაცრი რეზოლუციაა, რაც საქართველოსთან მიმართებით ოდესმე მიუღია ევროპარლამენტს" - ნინო კალანდაძე
- "არავის აქვს უფლება, სუვერენულ სახელმწიფოს ვიზალიბერალიზაცია წაართვას, რა ჩავიდინეთ, კანონს რომ ვიღებთ, რომელიც მოსახლეობის მხრიდან არის ნაკარნახევი?"