გაწვევის ახალი წესი სტუდენტებისთვის და სასულიერო პირებისთვის - პარლამენტმა თავდაცვის კოდექსი შეცვალა
წვევამდელების ჯარში გაწვევის ახალი წესი დამტკიცებულია. თავდაცვის კოდექსში ცვლილებებს საქართველოს პარლამენტში მესამე მოსმენით დღეს, 30 ნოემბერს, უყარეს კენჭი. საკანონმდებლო ცვლილებების პაკეტს მხარი 81-მა დეპუტატმა დაუჭირა.
სავალდებულო სამხედრო სამსახურის გადავადების წესში შესული ცვლილებები სტუდენტებსა და რელიგიური ორგანიზაციების წარმომადგენლებს შეეხებათ.
ამ ცვლილებებით, დისტანციური სწავლა აღარ იქნება სამხედრო სავალდებულო სამსახურის გადავადების საფუძველი. დისტანციურ სწავლაზე ჩანაწერი თავდაცვის კოდექსში აქამდე არ არსებობდა და ყველა, ვისაც "აქტიური სტუდენტის" სტატუსი ჰქონდა, განურჩევლად სწავლების ტიპისა, ჯარში ავტომატურად აღარ მიდიოდა.
კიდევ ერთი ცვლილებით, სასამართლო სარჩელი გაწვევის პროცესს ვეღარ შეაჩერებს. ეს საკითხი იმ პირებს შეეხება, რომლებიც სავალდებულო სამხედრო სამსახურზე უარს რწმენის, რელიგიის ან აღმსარებლობის მოტივით ამბობენ. ასეთები არიან სასულიერო პირები, რელიგიური ორგანიზაციების წარმომადგენლები ან პაციფისტები (ომის საწინააღმდეგო მოძრაობა).
ისინი გაწვევის კომისიას მიმართავენ და ალტერნატიული არასამხედრო სამსახურის გავლას მოითხოვენ. გადაწყვეტილებას სახელმწიფო კომისიის დასკვნის საფუძველზე თავდაცვის მინისტრი იღებს, ანუ გამოსცემს ბრძანებას, წაიყვანონ თუ არა ესა თუ ის პირი ალტერნატიულ სამხედრო სამსახურში. ძველი წესით, გადაწყვეტილების სასამართლოში გასაჩივრება გაწვევის გადავადების საფუძველი იყო.
საკანონმდებლო პაკეტი პარლამენტში დაჩქარებული წესით განიხილებოდა. პირველი მოსმენა გუშინ, მეორე და მესამე მოსმენა კი დღეს გაიმართა.
სიახლეები
- „ქართული ოცნების“ ორგანიზებული „საყოველთაო სახალხო შეკრება“ დასრულდა
- "არჩევნების შემდეგ „ნაციონალური მოძრაობა“ მკაცრად აგებს პასუხს ყველა იმ დანაშაულისთვის, რომელიც მან ორი ათწლეულის მანძილზე ქართველი ხალხის წინააღმდეგ ჩაიდინა"
- "გლობალური ომის პარტიის აგრესიის მიზეზია, რომ ძალისხმევის მიუხედავად, საქართველო მეორე ფრონტად ვერ აქცია" - ბიზინა ივანიშვილი
- "საქართველო უნდა მართოს ქართველი ხალხის მიერ არჩეულმა ხელისუფლებამ" - ბიძინა ივანიშვილი
- "პირველად გვაქვს ხანგრძლივი და უწყვეტი მშვიდობა ქვეყანაში, რომელიც პირველ რიგში, ჩვენი ლიდერის, ბიძინა ივანიშვილის დამსახურებაა"